തടാകത്തിൽ നീന്തുന്നതിനിടെ സുഹൃത്തുക്കൾ മുങ്ങിമരിച്ചു

ബെംഗളൂരു: തടാകത്തിൽ നീന്തുന്നതിനിടെ സുഹൃത്തുക്കൾ മുങ്ങിമരിച്ചു. ഹാവേരി ഹനഗൽ താലൂക്കിലെ ചിക്കമാൻഷി ഹൊസൂർ ഗ്രാമത്തിലെ ചൊവ്വാഴ്ചയാണ് സംഭവം. മാലതേഷ് കുറുബർ (19), ബസവരാജ് (38) എന്നിവരാണ് മരിച്ചത്. തടാകത്തിൽ നീന്തുന്നതിനിടെ മാലതേഷ് അബദ്ധത്തിൽ ആഴത്തിലേക്ക് ഇറങ്ങുകയായിരുന്നു.

ഇത് കണ്ട ബസവരാജ് സുഹൃത്തിനെ രക്ഷിക്കാനായി ശ്രമിച്ചെങ്കിലും ഇരുവരും മുങ്ങിമരിക്കുകയായിരുന്നു. നാട്ടുകാർ വിവരമറിയച്ചതിനെ തുടർന്ന് പോലീസും ഫയർ ഫോഴ്‌സും എത്തിയാണ് ഇവരുടെ മൃതദേഹം പുറത്തെടുത്തത്. സംഭവത്തിൽ ഹനഗൽ പോലീസ് കേസ് രജിസ്റ്റർ ചെയ്തു.

TAGS: KARNATAKA | DROWNED TO DEATH
SUMMARY: Two drown in lake in Haveri