താജ് വെസ്റ്റ് എൻഡ് ഹോട്ടലിന് ബോംബ് ഭീഷണി

ബെംഗളൂരു: ബെംഗളൂരുവിലെ താജ് വെസ്റ്റ് എൻഡ് ഹോട്ടലിന് നേരെ ബോംബ് ഭീഷണി. ശനിയാഴ്ച രാവിലെയാണ് ഇ-മെയിൽ വഴി ഭീഷണി സന്ദേശം ലഭിച്ചത്. ഹോട്ടൽ മാനേജ്മെന്റ് ഉടൻ പോലീസിൽ വിവരമറിയിച്ചു. തുടർന്ന് ലോക്കൽ പോലീസും ബോംബ് സ്ക്വാഡും സ്ഥലത്തെത്തി പരിശോധന നടത്തിയെങ്കിലും ബോംബ് കണ്ടെത്താനായില്ല.

ഭീഷണി വ്യാജമാണെന്ന് സ്ഥിരീകരിച്ചതായി സെൻട്രൽ ബെംഗളൂരു ഡെപ്യൂട്ടി പോലീസ് കമ്മീഷണർ എച്ച്.ടി ശേഖർ പറഞ്ഞു. ഇമെയിലിന് പിന്നിൽ പ്രവർത്തിച്ചവർക്കായി തിരച്ചിൽ നടത്തുന്നുണ്ടെന്നും, സംഭവത്തിൽ കേസ് എടുത്തതായും അദ്ദേഹം പറഞ്ഞു.

TAGS: BENGALURU | BOMB THREAT
SUMMARY: Bomb threat recieved via e-mail to Taj west end Hotel