തിരഞ്ഞെടുപ്പ് റെയ്ഡ്: കര്‍ണാടകയില്‍ നിന്ന് 5.60 കോടിയും 5 കോടിയുടെ ആഭരണങ്ങളും പിടികൂടി

ലോക്‌സഭാ തിരഞ്ഞെടുപ്പിന്റെ ഭാഗമായി കർണാടകയിലെ ബെല്ലാരിയില്‍ പോലീസ് നടത്തിയ പരിശോധനയില്‍ 7.60 കോടി രൂപ വിലമതിപ്പുളള സാധനങ്ങള്‍ പിടിച്ചെടുത്തു. ജുവലറി ഉടമയായ നരേഷിന്റെ വീട്ടില്‍ നടത്തിയ പരിശോധനയില്‍ നിന്നാണ് 5.60 കോടി രൂപയും മൂന്ന് കിലോഗ്രാം സ്വർണവും 103 കിലോഗ്രാം വെളളി ആഭരണങ്ങളും 68 വെളളി ബാറുകളും പോലീസ് പിടിച്ചെടുത്തത്.

സംഭവത്തില്‍ ഇയാളെ പോലീസ് അറസ്റ്റ് ചെയ്തിട്ടുണ്ട്. നരേഷിന് ഹവാല ഇടപാട് നടത്തുന്നവരുമായി ബന്ധമുണ്ടെന്നും കൂടുതല്‍ ചോദ്യം ചെയ്തുവരികയാണെന്നും പോലീസ് മാധ്യമങ്ങളോട് പറഞ്ഞു. ജുവലറി ഉടമയ്ക്കെതിരെ സെക്ഷൻ 98 പ്രകാരം കേസ് രജിസ്റ്റർ ചെയ്തിട്ടുണ്ട്. കൂടുതല്‍ അന്വേഷണത്തിനായി നരേഷിനെ ആദായ നികുതി വകുപ്പിന് കൈമാറുമെന്നും പോലീസ് അറിയിച്ചു.

The post തിരഞ്ഞെടുപ്പ് റെയ്ഡ്: കര്‍ണാടകയില്‍ നിന്ന് 5.60 കോടിയും 5 കോടിയുടെ ആഭരണങ്ങളും പിടികൂടി appeared first on News Bengaluru.