തൃശൂർ ചാലക്കുടിയില് തെരുവുനായ ആക്രമണം. കുടപ്പുഴ ജനതാ റോഡ് പരിസരത്ത് 12 പേർക്കാണ് നായയുടെ കടിയേറ്റത്. പരുക്കേറ്റവര് ചാലക്കുടി മെഡിക്കല് കോളേജിലും തൃശൂര് മെഡിക്കല് കോളേജിലുമായി ചികിത്സയിലാണ്. ബൈക്കില് സഞ്ചരിക്കുന്നവരെയും നായ ആക്രമിച്ചിട്ടുണ്ട്. നായയ്ക്ക് പേയുണ്ടോ എന്ന് സംശയം ഉണ്ട്. എന്നാല് സ്ഥിരീകരിച്ചിട്ടില്ല.
വെട്ടുകടവ് സ്വദേശികളായ ജോബി, ശ്രുതിന് (26), മേലൂര് സ്വദേശി സീന ജോസഫ്, ചാലക്കുടി സ്വദേശികളായ ലിജി ബെന്നി, അഭിനന്ദവ് (13), ജോയല് സോജന് (17), ഡേവീസ് (62), കെ എസ് നന്ദിക, കൂടപ്പുഴ സ്വദേശി ഏയ്ഞ്ചല് ബിജോ (13), എന്നിവർക്കാണ് കടിയേറ്റത്.
നായയെ പിന്നീട് ചത്ത നിലയില് കണ്ടെത്തി. ചാലക്കുടി നഗരസഭയിലെ പതിനേഴാം വാർഡിലാണ് സംഭവം. ഇതേ വാർഡില് രണ്ടാഴ്ച മുമ്പ് 7 പേർക്ക് തെരുവ് നായയുടെ കടിയേറ്റിരുന്നു. ഈ വർഷം തെരുവു നായയുടെ കടിയേറ്റ് നിരവധി പേരാണ് ചികിത്സ തേടിയത്. മുൻവർഷങ്ങളെ അപേക്ഷിച്ച് സംസ്ഥാനത്ത് തെരുവുനായ ശല്യം അതിരൂക്ഷമെന്ന് കണക്കുകള് പുറത്തുവന്നിരുന്നു.
TAGS : STREET DOG
SUMMARY : Stray dog attacks in Thrissur; 12 people bitten
