ബെംഗളൂരു: ബാംഗ്ലൂര്‍ കേരളസമാജവും ഈസ്റ്റ് കള്‍ച്ചറല്‍ അസോസിയേഷനും സംയുക്തമായി സംഘടിപ്പിക്കുന്ന ദക്ഷിണേന്ത്യന്‍ പ്രവാസി അമച്വര്‍ നാടകോത്സവത്തിന് ഇന്ദിരനഗര്‍ ഈസ്റ്റ് കള്‍ച്ചറല്‍ അസോസിയേഷന്‍ ഓഡിറ്റൊറിയത്തില്‍ തുടക്കമായി. പ്രശസ്ത സിനിമ സംവിധായകന്‍ വി കെ പ്രകാശ് ഉദ്ഘാടനം ചെയ്തു. കേരള സമാജം പ്രസിഡന്റ് സി പി രാധാകൃഷ്ണന്‍ അധ്യക്ഷത വഹിച്ചു .
ഇസിഎ പ്രസിഡന്റ് സുധി വര്‍ഗീസ്, ജനറല്‍ സെക്രട്ടറി സഞ്ജയ് ഗംഗാധരന്‍, സാഹിത്യ വിഭാഗം ചെയര്‍മാന്‍ ഒ. വിശ്വനാഥന്‍, കേരള സമാജം ജനറല്‍ സെക്രട്ടറി റജി കുമാര്‍ , വൈസ് പ്രസിഡന്റ് സുധീഷ് പി കെ, ജോയിന്റ് സെക്രട്ടറി ഓ കെ അനില്‍ കുമാര്‍, കള്‍ച്ചറല്‍ സെക്രട്ടറി വി മുരളിധരന്‍ തുടങ്ങിയവര്‍ സംബന്ധിച്ചു.
ബെംഗളൂരുവില്‍ നിന്നും ചെന്നൈയില്‍ നിന്നുമായി 8 നാടകങ്ങളാണ് മത്സരത്തില്‍ മാറ്റുരയ്ക്കുന്നത്.
സംഗമം ബെംഗളൂരു അവതരിപ്പിച്ച ഗുരുവായൂരില്‍ ഒരു രാത്രി,
ഓണ്‍ സ്റ്റേജ്, ജാലഹള്ളി അവതരിപ്പിച്ച ശവംവാരി, കൈരളി കലാസമിതി വിമാനപുര അവതരിപ്പിച്ച സൂര്യകാന്തി, ചാവറ കലാവേദി, ബെംഗളൂരു അവതരിപ്പിച്ച ഗ്രേസിയുടെ ആകാശം എന്നീ നാടകങ്ങള്‍ ഇന്ന് അരങ്ങേറി.
നാടകോത്സവത്തിന്റെ രണ്ടാം ദിവസമായ നാളെ രാവിലെ 10:30 ന് നാടകം ആരംഭിക്കും. മദ്രാസ് കേരള സമാജം അവതരിപ്പിക്കുന്ന യന്ത്രം, ചെന്നൈ ഉപാസന, അവതരിപ്പിക്കുന്ന പെരുമലയന്‍, ചെന്നൈ മക്തൂബ് തിയേറ്റര്‍ അവതരിപ്പിക്കുന്ന ദ ഫസ്റ്റ് ഗോള്‍ , ചെന്നൈ നാടക വേദി അവതരിപ്പിക്കുന്ന പുറപ്പാട് എന്നീ നാടകങ്ങള്‍ നടക്കും.
വൈകുന്നേരം 6:30 ക്ക് നടക്കുന്ന സമാപന സമ്മേളനം ഹിന്ദുസ്ഥാന്‍ ഏറോനോട്ടിക്‌സ് ലിമിറ്റഡ് മുന്‍ ചെയര്‍മാന്‍ ഡോ കൃഷ്ണദാസ് നായര്‍ ഉദ്ഘാടനം ചെയ്യും. ഈസ്റ്റ് കള്‍ച്ചറല്‍ അസോസിയേഷന്‍ പ്രസിഡണ്ട് സുധി വര്‍ഗീസ് അധ്യക്ഷത വഹിക്കും. കേരള സമാജം ജനറല്‍ സെക്രട്ടറി റജി കുമാര്‍ സ്വാഗതം ആശംസിക്കും. സമാപന സമ്മേളനത്തില്‍ വിജയികള്‍ക്ക് സമ്മാനങ്ങള്‍ വിതരണം ചെയ്യും.
നാടകോത്സവത്തില്‍ ഒന്നാംസമ്മാനം ലഭിക്കുന്ന ടീമിന് 50,000 രൂപയും റോളിംഗ് ട്രോഫിയും രണ്ടാം സമ്മാനം 30,000 രൂപയും മൂന്നാം സമ്മാനം 20,000 രൂപയും നല്‍കും. മികച്ച നടന്‍, നടി, സംവിധായകന്‍, തിരക്കഥകൃത്ത് എന്നിവര്‍ക്ക് 5,000 രൂപ വീതവും നല്‍കും.
മത്സരത്തില്‍ പങ്കെടുക്കുന്ന മറ്റ് ടീമുകള്‍ക്ക് 10,000 രൂപ പ്രോത്സാഹന സമ്മാനമായി നല്‍കുമെന്ന് കേരള സമാജം ജനറല്‍ സെക്രട്ടറി റജി കുമാര്‍, കള്‍ച്ചറല്‍ സെക്രട്ടറി വി മുരളിധരന്‍, ഇസിഎ സാഹിത്യവിഭാഗം ചെയര്‍മാന്‍ ഒ വിശ്വനാഥന്‍ എന്നിവര്‍ അറിയിച്ചു. പ്രവേശനം സൗജന്യമായിരിക്കും. വിശദ വിവരങ്ങള്‍ക്ക് 9980090202, 87926 87607
<br>
TAGS : ART AND CULTURE
SUMMARY : South Indian Expatriate Amateur Drama Festival begins
കോഴിക്കോട്: വയോധികരായ സഹോദരിമാരെ വീടിനുള്ളില്‍ മരിച്ച നിലയില്‍ കണ്ടെത്തിയ സംഭവത്തില്‍ വഴിത്തിരിവ്. ഇവരെ കഴുത്തുഞെരിച്ച് കൊലപ്പെടുത്തുകയായിരുന്നുവെന്ന് പോസ്റ്റുമോര്‍ട്ടം റിപ്പോര്‍ട്ടില്‍ കണ്ടെത്തി.…
തിരുവനന്തപുരം: അമ്പൂരിയില്‍നിന്നു മയക്കുവെടി വച്ച് പിടികൂടിയ പുലി ചത്തു. ഇന്നലെ നെയ്യാറിലെ പരിചരണ കേന്ദ്രത്തിലേക്കാണു പുലിയെ മാറ്റിയത്. പുലിയെ നിരീക്ഷിക്കാനായി…
ബെംഗളൂരു: കർണാടകയില്‍ വോട്ടർ പട്ടികയിലെ ക്രമക്കേട് ആരോപണങ്ങള്‍ സംബന്ധിച്ച് അന്വേഷിക്കാൻ തിരഞ്ഞെടുപ്പ് കമ്മിഷന് അപ്പീൽ നൽകി കർണാടക ഉപമുഖ്യമന്ത്രി ഡി കെ…
വാഷിങ്ടണ്‍: ലോകത്തെ ഏറ്റവുംവലിയ ആഡംബരക്കപ്പലായ 'ഐക്കണ്‍ ഓഫ് ദ സീസി'ലെ വാട്ടർ സ്ലൈഡ് തകർന്ന് ഒരാൾക്ക് പരുക്കേറ്റു. കപ്പലിലെ വിനോദങ്ങളുടെ…
ബെംഗളൂരു: ബാംഗ്ലൂര്‍ കേരളസമാജത്തിന്റെ ആഭിമുഖ്യത്തില്‍ കര്‍ണാടകയിലെ യുവാക്കള്‍ക്കായി സംഘടിപ്പിക്കുന്ന യുവജനോത്സവത്തിന് ഇന്ദിരാനഗര്‍ കൈരളീ നികേതന്‍ എഡൃൂക്കേഷന്‍ ട്രസ്റ്റ് ക്യാമ്പസില്‍ തുടക്കമായി.…
ബെംഗളൂരു: കേരളസമാജം ദൂരവാണിനഗർ ഞായറാഴ്ച (10-08-2025) നടത്താൻ നിശ്ചയിച്ചിരുന്ന കായിക മത്സരങ്ങൾ പ്രതികൂല കാലാവസ്ഥ കാരണം മാറ്റിവച്ചു. മത്സരങ്ങള്‍ സെപ്തമ്പര്‍…