ബെംഗളൂരു: ദസറ പ്രമാണിച്ച് മൈസൂരു, ബെംഗളൂരു ഉൾപ്പെടെയുള്ള റൂട്ടുകളിൽ അധിക ബസ് സർവീസ് പ്രഖ്യാപിച്ച് കർണാടക ആർടിസി. യാത്രക്കാരുടെ ആവശ്യം പരിഗണിച്ചാണ് തീരുമാനമെന്ന് കെഎസ്ആർടിസി ഡിവിഷണൽ കൺട്രോളർ എച്ച്.ടി. വീരേഷ് പറഞ്ഞു.
മൈസൂരു-ബെംഗളൂരു, മൈസൂരു-ഹാസൻ, മൈസൂരു-മംഗളൂരു, മൈസൂരു-മടിക്കേരി- മൈസൂരു എന്നിവിടങ്ങളിലേക്ക് ഇതിനോടകം 500 ബസുകൾ സർവീസ് നടത്തുന്നുണ്ടെന്നും മൈസൂരു-ബെംഗളൂരു റൂട്ടിൽ മാത്രം 250 സർവീസുകൾ നടത്തുന്നുണ്ടെന്നും വീരേഷ് പറഞ്ഞു. ഇതിന് പുറമെ യാത്രക്കാർക്കായി 80 അധിക ബസ് സർവീസ് കൂടി കെഎസ്ആർടിസി പ്രഖ്യാപിച്ചിട്ടുണ്ട്.
ഓർഡിനറി കെഎസ്ആർടിസി ബസുകളിൽ സാധാരണ നിരക്കാണെങ്കിലും സ്പെഷൽ ബസുകളിൽ നിരക്ക് വർധിപ്പിച്ചിട്ടുണ്ട്. മൈസൂരു-ബെംഗളൂരു സ്പെഷ്യൽ ബസുകൾ ഒക്ടോബർ 15 വരെ സർവീസ് നടത്തുമെന്നാണ് നേരത്തെ പ്രഖ്യാപിച്ചിരുന്നത്. എന്നാൽ അധിക ബസ് സർവീസ് ഒക്ടോബർ 20 വരെ തുടരുമെന്നും അദ്ദേഹം കൂട്ടിച്ചേർത്തു.
അതേസമയം ഒക്ടോബർ 12ന് മൈസൂരു ബസ് സ്റ്റാൻഡിൽ നിന്ന് സിറ്റി ബസ് സർവീസ് ഉണ്ടാകില്ല. കുവെമ്പു നഗർ ഭാഗത്തേക്ക് പോകുന്നവർക്ക് അഗ്രഹാരയിൽ നിന്നും വിജയനഗറിലേക്ക് പോകുന്നവർക്ക് ദാസപ്പ സർക്കിളിൽ നിന്നും ടി നരസിപുരിലേക്ക് പോകുന്നവർക്ക് ഗുണ്ടു റാവു നഗറിൽ നിന്നും ഓർഡിനറി ബസുകൾ ഏർപ്പെടുത്തും. സിറ്റി ബസ് സർവീസ് രാത്രി 8 മണിയോടെ പുനരാരംഭിക്കുമെന്ന് അദ്ദേഹം അറിയിച്ചു.
TAGS: KARNATAKA | KSRTC
SUMMARY: KSRTC to offer additional bus services for Mysuru Dasara
മലപ്പുറം: എല്‍ഡിഎഫ് ഭരണത്തിന്റെ വിലയിരുത്തലാണ് ഈ തിരഞ്ഞെടുപ്പ് ഫലമെന്ന് കരുതുന്നില്ലെന്ന് എം.സ്വരാജ്. എല്‍ഡിഎഫ് ഉയര്‍ത്തിയ വിഷയങ്ങളില്‍ ജനങ്ങള്‍ക്ക് തെറ്റിദ്ധാരണ ഉണ്ടായിട്ടുണ്ടോ…
അഹമ്മദാബാദ്: അഹമ്മദാബാദ് വിമാന ദുരന്തത്തില്‍ മരിച്ച മലയാളി നേഴ്‌സ് രഞ്ജിതയുടെ മൃതദേഹം തിരിച്ചറിഞ്ഞു. മൃതദേഹം നാളെ നാട്ടിലെത്തിച്ചേക്കും. തിരിച്ചറിയാനായി രഞ്ജിതയുടെ…
മലപ്പുറം: സ്വകാര്യ ഹോട്ടല്‍ മുറിയില്‍ നിന്ന് താഴേക്ക് വീണ് യുവാവ് മരിച്ചു. കോഴിക്കോട് പെരുവണ്ണാമൂഴി സ്വദേശി അജയ് കുമാര്‍ (23)…
മലപ്പുറം: നിലമ്പൂർ ഉപതിരഞ്ഞെടുപ്പില്‍ കോണ്‍ഗ്രസ് സ്ഥാനാർഥി ആര്യാടൻ ഷൗക്കത്ത് 11,000 ത്തിലധികം ഭൂരിപക്ഷം നേടിയാണ് വിജയക്കൊടി പാറിച്ചത്. യുഡിഎഫിന്റെ വിജയ…
തിരുവനന്തപുരം: മുൻ മുഖ്യമന്ത്രിയും മുതിര്‍ന്ന സിപിഎം നേതാവുമായ വിഎസ് അച്യുതാനന്ദനെ ആശുപത്രിയില്‍ പ്രവേശിപ്പിച്ചു. ഹൃദയാഘാതത്തെ തുടർന്ന് ഇന്ന് രാവിലെയാണ് ആശുപത്രിയിലെത്തിച്ചത്.…
നിലമ്പൂര്‍: നിലമ്പൂര്‍ ഉപതിരഞ്ഞെടുപ്പില യു.ഡി.എഫ് സ്ഥാനാർഥി ആര്യാടൻ ഷൗക്കത്തിന് വിജയം. 10,792 വോട്ടിന്‍റെ ഭൂരിപക്ഷത്തിലാണ് ആര്യാടൻ ഷൗക്കത്ത് എൽ.ഡി.എഫ് സ്ഥാനാർഥി…