നവകേരള ബസ് നാളെ സര്‍വീസ് ആരംഭിക്കും: കോഴിക്കോട് നിന്ന് ബെംഗളൂരുവിലേക്ക് എല്ലാ ദിവസവും രാവിലെ 8.30 ന്

കോഴിക്കോട്: നവകേരള ബസ് നാളെ സർവീസ് ആരംഭിക്കും. എല്ലാ ദിവസവും രാവിലെ 8.30 ന് കോഴിക്കോട് നിന്നും ബെംഗളൂരുവിലേക്കും തിരികെ രാത്രി 10.30നുമാണ് സർവീസ്. 11 സീറ്റുകളാണ് അധികമായി ബസില്‍ ഘടിപ്പിച്ചിരിക്കുന്നത്. നവീകരണം പൂർത്തിയാക്കിയ നവ കേരള ബസ് കഴിഞ്ഞ ദിവസം ബെംഗളൂരുവില്‍ നിന്നും കോഴിക്കോട് എത്തിച്ചിരുന്നു.

രാവിലെ എട്ടു മുപ്പതിന് കോഴിക്കോട് നിന്നും സർവീസ് ആരംഭിക്കുന്ന ബസ് വൈകിട്ട് നാലരയോടെ ബെംഗളൂരുവില്‍ എത്തും. തിരികെ രാത്രി 10 30 ന് യാത്ര തിരിക്കുന്ന ബസ്സ് പിറ്റേ ദിവസം പുലർച്ചെ നാലരയോടെ കോഴിക്കോട് എത്തും. നിലവില്‍ ആദ്യത്തെ മൂന്നുദിവസത്തേക്കുള്ള ബെംഗളൂരുവിലേക്കുള്ള ടിക്കറ്റ് ബുക്കിംഗ് പൂർത്തിയായിട്ടുണ്ട്.

പ്രീമിയം സർവീസ് ആയാണ് നവ കേരള ബസ് ഓടുന്നത്. എസ്‌കലേറ്റർ, പിൻ ഡോർ എന്നിവ ഒഴിവാക്കി പകരം മുന്നിലൂടെ കയറാവുന്ന സംവിധാനമാക്കി മാറ്റുകയും ചെയ്തിട്ടുണ്ട്. ശൗചാലയം ബസില്‍ നിലനിർത്തിയിട്ടുണ്ട്. കല്‍പ്പറ്റ, സുല്‍ത്താൻബത്തേരി, മൈസൂർ എന്നിവിടങ്ങളിലാണ് ബസ്സിന് സ്റ്റോപ്പ് ഉള്ളത്.

TAGS : NAVAKERALA BUS
SUMMARY : Navakerala bus to start service tomorrow: Kozhikode to Bengaluru at 8.30 am every day