നിർമാണ സാമഗ്രികൾ കൊണ്ടുപോയ വാഹനമിടിച്ച് രണ്ട് വയസുകാരൻ മരിച്ചു

ബെംഗളൂരു: നിർമാണ സാമഗ്രികൾ കൊണ്ടുപോയ വാഹനമിടിച്ച് രണ്ട് വയസുകാരൻ മരിച്ചു. ചൊവ്വാഴ്ച വൈകീട്ടോടെ സീഗെഹള്ളിയിലാണ് സംഭവം. പവൻ ആണ് മരിച്ചത്. വീടിനു പുറത്തിറങ്ങി കളിക്കുകയായിരുന്ന കുട്ടിയുടെ ദേഹത്തേക്ക് നിയന്ത്രണം വിട്ട വാഹനം ഇടിക്കുകയായിരുന്നു.

ഡ്രൈവർ അശ്രദ്ധമായാണ് വാഹനം ഓടിച്ചതെന്ന് ദൃക്സാക്ഷികൾ പറഞ്ഞു. കുട്ടിയെ ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഡ്രൈവർ മദ്യലഹരിയിലായിരുന്നില്ലെന്ന് മഹാദേവപുര ട്രാഫിക് പോലീസ് സ്ഥിരീകരിച്ചു. സംഭവത്തിൽ കേസെടുത്തതായി പോലീസ് അറിയിച്ചു.

TAGS: ACCIDENT
SUMMARY: Two-year-old killed in fatal road accident