കൊച്ചി: സ്വകാര്യബസിന്റെ പെർമിറ്റ് പുതുക്കി നൽകാൻ മദ്യക്കുപ്പിയും പണവും കൈക്കൂലിയായി ആവശ്യപ്പെട്ട സംഭവത്തിൽ ആർ.ടി.ഒയെ വിജിലൻസ് പിടികൂടി.എറണാകുളം ആർ.ടി.ഒ. ടി.എം ജേഴ്സനെയാണ് കൈക്കൂലിക്കേസിൽ വിജിലൻസ് ഡി.വൈ.സ്‌.പി ജയരാജിന്റെ നേതൃത്വത്തിൽ പിടികൂടിയത്. രണ്ട് ഇടനിലക്കാരെയും വിജിലൻസ് അറസ്റ്റ് ചെയ്തു. എറണാകുളം സ്വദേശികളായ സജി, രാമപടിയാർ എന്നിവരാണ് അറസ്റ്റിലായ ഇടനിലക്കാർ.
ആർ.ടി.ഒയുടെ ഇടപ്പള്ളിയിലെ ഫ്ലാറ്റിൽ നടത്തിയ റെയ്ഡിൽ കണക്കിൽപ്പെടാത്ത 60,000 രൂപയും 49 കുപ്പി മദ്യവും കണ്ടെടുത്തു. കൈക്കൂലി കേസിന് പുറമേ അനധികൃത സ്വത്ത് സമ്പാദത്തിനും ഇയാൾക്കെതിരെ കേസെടുക്കണമെന്ന് വിജിലൻസ് റിപ്പോർട്ട് നൽകും. പ്രതികളെ ഇന്ന് മൂവാറ്റുപുഴ വിജിലൻസ് കോടതിയിൽ ഹാജരാക്കും.
പെർമിറ്റ് പുതുക്കാൻ ബസുടമയുടെ മാനേജരായ ചെല്ലാനം സ്വദേശിയോട് 25,000 രൂപയും മദ്യവും ജേഴ്സൺ ആവശ്യപ്പെട്ടു. ഇയാൾക്കു വേണ്ടി 5000 രൂപയും മദ്യക്കുപ്പിയും ഏറ്റുവാങ്ങുന്നതിനിടെ ഏജന്റുമാരാണ് ആദ്യം കുടുങ്ങിയത്.
ചെല്ലാനം- ഫോർട്ടുകൊച്ചി റൂട്ടിൽ സർവീസ് നടത്തുന്ന സ്വകാര്യബസിന്റെ പെർമിറ്റ് ഈമാസം മൂന്നിന് അവാസാനിച്ചിരുന്നു. പുതുക്കാൻ അപേക്ഷ നൽകിയെങ്കിലും താത്കാലിക പെർമിറ്റ് മാത്രമേ ആർ.ടി.ഒ നൽകിയുള്ളൂ. മാനേജർ പലവട്ടം ഓഫീസ് കയറിയിറങ്ങിയെങ്കിലും പെർമിറ്റ് പുതുക്കി നൽകിയില്ല. തുടർന്ന് ജേഴ്സണിന്റെ നിർദ്ദേശപ്രകാരം രാമപടിയാർ മാനേജരെ കണ്ട്, മറ്റൊരു ഏജന്റായ സജിയുടെ കൈയിൽ 25,000 രൂപ നൽകണമെന്ന് പറഞ്ഞു.
മാനേജർ ഇക്കാര്യം വിജിലൻസ് എറണാകുളം സെൻട്രൽ യൂണിറ്റ് എസ്.പി എസ്. ശശിധരനെ അറിയിച്ചു. വിജിലൻസിന്റെ നിർദ്ദേശപ്രകാരം ഇന്നലെ രാവിലെ പരാതിക്കാരൻ സജിക്ക് 5,000 രൂപയും ഒരു കുപ്പി മദ്യവും നൽകി. ഈസമയം സജിക്കൊപ്പം രാമപടിയാറും ഉണ്ടായിരുന്നു. ഇരുവരെയും കൈയോടെ പിടികൂടി ചോദ്യംചെയ്തപ്പോൾ ആർ.ടി.ഒയ്ക്ക് നൽകാനായാണ് പണം കൈപ്പറ്റിയതെന്നു കുറ്റസമ്മതം നടത്തി. തെളിവുകൾകൂടി ശേഖരിച്ചശേഷമാണ് ജെർജസണിനെ അറസ്റ്റ് ചെയ്തത്.
ആർ.ടി.ഒയുടെ ഇടപ്പള്ളിയിലെ വീട്ടിലെത്തിയ വിജിലൻസ് വിദേശ നിർമ്മിത മദ്യ ശേഖരം കണ്ടു ഞെട്ടി, മുവ്വായിരം രൂപ മുതൽ വിലവരുന്ന വിലകൂടിയ50 ൽ പരം വിദേശ നിർമ്മിത മദ്യക്കുപ്പികളും ,64,000 രൂപയും,കണ്ടെത്തി. കൂടാതെ .50 ലക്ഷം രൂപയുടെ ബാങ്ക് ഡെപ്പോസിറ്റുകൾ സംബന്ധിച്ച രേഖകളും വിജിലൻസ് സംഘം പിടികൂടി, അനധികൃതമായി വിദേശ മദ്യം സൂക്ഷിച്ചതിന് ജേഴ്സനെതിരെ മറ്റൊരു കേസും എടുത്തിട്ടുണ്ട്.
<br>
TAGS : ARRESTED | ERNAKULAM NEWS
SUMMARY : Cash and bottle to renew bus permit; RTO and 2 middlemen arrested
.
ബെംഗളൂരു: യൂറോപ്യൻ യൂണിയൻ അംഗരാജ്യങ്ങളുടെ എംബസികളുടെയും പ്രാദേശിക പങ്കാളികളുടെയും സഹകരണത്തോടെ സംഘടിപ്പിക്കുന്ന 30-ാമത് യൂറോപ്യൻ യൂണിയൻ ചലച്ചിത്രമേള നാളെ മുതൽ…
തൃശൂര്‍: മുരിങ്ങൂരില്‍ വാഹനാപകടത്തില്‍ രണ്ട് യുവാക്കള്‍ തല്‍ക്ഷണം മരിച്ചു. കൊരട്ടി സ്വദേശി ഗോഡ്സണ്‍ (19), അന്നനാട് സ്വദേശി ഇമ്മനുവേല്‍ (18)…
ബെംഗളൂരു: ശ്രീ സത്യസായിബാബ ജന്മശതാബ്ദി ആഘോഷങ്ങളോടനുബന്ധിച്ചുള്ള യാത്രാത്തിരക്ക് പരിഗണിച്ച് പുട്ടപര്‍ത്തി പ്രശാന്തി നിലയത്തിലേക്ക് തിരുവനന്തപുരത്തു നിന്നുൾപ്പെടെ സ്പെഷ്യല്‍ ട്രെയിനുകള്‍ പ്രഖ്യാപിച്ചു.…
ന്യൂഡൽഹി: ബീഹാർ നിയമസഭാ തിരഞ്ഞെടുപ്പിലെ ആദ്യഘട്ട വോട്ടെടുപ്പ് ഇന്ന്. 243ൽ 121 നിയമസഭാ മണ്ഡലങ്ങളാണ് ബൂത്തിലെത്തുന്നത്. രാവിലെ ഏഴുമുതൽ വൈകീട്ട്…
ബെംഗളൂരു: കർണാടകയിലെ മാലൂർ നിയമസഭാമണ്ഡലത്തിൽ വീണ്ടും വോട്ടെണ്ണൽ. 2023-ലെ നിയമസഭാതിരഞ്ഞെടുപ്പിൽ കോൺഗ്രസ് സ്ഥാനാർഥിയായിരുന്ന നഞ്ചേഗൗഡയുടെ വിജയം ചോദ്യംചെയ്ത് എതിർസ്ഥാനാർഥിയായ ബിജെപിയുടെ…
ബെംഗളൂരു: നെലമംഗല കേരളസമാജം എല്ലാ വർഷവും നടത്തി വരുന്ന നിർധനരായ കുട്ടികൾക്കുള്ള പഠനോപകരണങ്ങളുടെ വിതരണം നെലമംഗല അംബേദ്കർ നഗരി, ദാനോജി…