ബെംഗളൂരുവിനും ലണ്ടൻ ഗാറ്റ്‌വിക്കിനുമിടയിൽ നോൺ സ്റ്റോപ്പ്‌ സർവീസ് പ്രഖ്യാപിച്ച് എയർ ഇന്ത്യ

ബെംഗളൂരു: ബെംഗളൂരുവിനും ലണ്ടൻ ഗാറ്റ്‌വിക്കിനുമിടയിൽ നോൺ സ്റ്റോപ്പ്‌ വിമാന സർവീസ് പ്രഖ്യാപിച്ച് എയർ ഇന്ത്യ. ഓഗസ്‌റ്റ് 18 മുതലായിരിക്കും കെംപെഗൗഡ ഇൻ്റർനാഷണൽ എയർപോർട്ടിനും ലണ്ടൻ ഗാറ്റ്‌വിക്കിനും (എൽജിഡബ്ല്യു) ഇടയിൽ നോൺ – സ്‌റ്റോപ്പ് സർവീസ് ആരംഭിക്കുമെന്ന് എയർ ഇന്ത്യ അറിയിച്ചു. ഇതോടെ യുകെയിലെ രണ്ടാമത്തെ വലിയ വിമാനത്താവളവുമായി ബന്ധിപ്പിക്കുന്ന അഞ്ചാമത്തെ ഇന്ത്യൻ നഗരമായി ബെംഗളൂരു മാറും.

ഇന്ത്യയും യുകെയും തമ്മിലുള്ള ശക്തമായ സാമ്പത്തിക സാംസ്‌കാരിക ബന്ധങ്ങളെ ശക്തിപ്പെടുത്തിക്കൊണ്ട് ഈ സേവനം യുകെയിൽ എയർ ഇന്ത്യയുടെ സാന്നിധ്യം കൂടുതൽ ശക്തിപ്പെടുത്തും. എയർ ഇന്ത്യ ബെംഗളൂരുവിനും ലണ്ടൻ ഗാറ്റ്‌വിക്കിനുമിടയിൽ ആഴ്‌ചയിൽ 5 തവണ സർവീസ് നടത്തും. ലണ്ടൻ ഗാറ്റ്‌വിക്കിലേക്കും തിരിച്ചുമുള്ള മൊത്തം വിമാനങ്ങളുടെ എണ്ണം ആഴ്‌ചയിൽ 17 മടങ്ങായി ഉയർത്തും.

ബിസിനസ് ക്ലാസിൽ 18 ഫ്ലാറ്റ് ബെഡുകളും ഇക്കണോമിയിൽ 238 വിശാലമായ സീറ്റുകളും ഉൾക്കൊള്ളുന്ന റൂട്ടിൽ എയർലൈൻ അതിൻ്റെ ബോയിങ് 787 ഡ്രീംലൈനർ വിമാനം ഉപയോഗിക്കുമെന്നും കമ്പനി വ്യക്താമാക്കി. നിലവിൽ അഹമ്മദാബാദ്, അമൃത്‌സർ, ഗോവ, കൊച്ചി എന്നിങ്ങനെ നാല് ഇന്ത്യൻ നഗരങ്ങളെ ലണ്ടൻ ഗാറ്റ്‌വിക്കുമായി എയർ ഇന്ത്യ ബന്ധിപ്പിക്കുന്നുണ്ടെന്ന് എയർ ഇന്ത്യ അറിയിച്ചു.

TAGS: BENGALURU UPDATES, WORLD
KEYWORDS: air india to start flight service between bangalore and london gatewick