ബെംഗളൂരു: ബെംഗളൂരുവിലെ പിജി താമസ സൗകര്യങ്ങൾക്കായി പുതിയ മാർഗനിർദേശം പുറത്തിറക്കി ബിബിഎംപി. പിജി സൗകര്യങ്ങളിൽ താമസിക്കുന്നവരുടെ സുരക്ഷ, ശുചിത്വം, ജീവിത സാഹചര്യങ്ങൾ എന്നിവ മെച്ചപ്പെടുത്തുന്നതിനാണ് നീക്കം. കോറമംഗലയിലെ പിജിയിൽ വെച്ച് യുവതി കൊല്ലപ്പെട്ടതിന്റെ പശ്ചാത്തലത്തിൽ കൂടിയാണ് നടപടി.
പിജികളിൽ സിസിടിവി കാമറ നിരീക്ഷണം ഏർപ്പെടുത്തണമെന്ന് ബിബിഎംപി നിർദേശിച്ചു. എല്ലാ പിജി താമസ സൗകര്യങ്ങളും എൻട്രി, എക്സിറ്റ് സ്ഥലങ്ങളിൽ സിസിടിവി കാമറകൾ സ്ഥാപിക്കേണ്ടതുണ്ട്. ക്യാപ്ചർ ചെയ്ത ഫൂട്ടേജ് കുറഞ്ഞത് 90 ദിവസമെങ്കിലും ഹാർഡ്വെയറും സോഫ്റ്റ്വെയർ ബാക്കപ്പുകളിൽ സൂക്ഷിക്കണം. ഓരോ താമസക്കാരനും കുറഞ്ഞത് 70 ചതുരശ്ര അടി വിസ്തീർണ്ണമുള്ള താമസസ്ഥലം ഉണ്ടായിരിക്കണം. പിജി ലൈസൻസ് നൽകുമ്പോൾ ഇക്കാര്യം ബിബിഎംപി ഉദ്യോഗസ്ഥർ പരിശോധിക്കും.
ശുചിത്വം പാലിക്കേണ്ടതും നിർബന്ധമാണ്. പിജി ഓപ്പറേറ്റർമാർ അവരുടെ താമസക്കാർക്ക് വൃത്തിയുള്ള ബാത്ത്റൂം, ടോയ്ലറ്റ് സൗകര്യങ്ങൾ നൽകണം. സുരക്ഷിതമായ കുടിവെള്ള ലഭ്യതയും ഉറപ്പാക്കണം. ബിബിഎംപിയിൽ നിന്ന് ബിസിനസ് ലൈസൻസ് ലഭിച്ച് മൂന്ന് മാസത്തിനുള്ളിൽ ഫുഡ് സേഫ്റ്റി ആൻഡ് സ്റ്റാൻഡേർഡ് അതോറിറ്റി ഓഫ് ഇന്ത്യയുടെ (എഫ്എസ്എസ്എഐ) ലൈസൻസ് പിജി ഉടമകൾ നേടിയിരിക്കണം.
ഇതിന് പുറമേ, പിജികളിൽ സുരക്ഷാ ജീവനക്കാരനെ നിർബന്ധമായും നിയമിക്കണം. പിജി നടത്തിപ്പിനായി ലൈസൻസ് നേടുന്നതിനൊപ്പം ഔദ്യോഗിക അഗ്നി സുരക്ഷാ സർട്ടിഫിക്കറ്റും നേടിയിരിക്കണം. ബിബിഎംപി ഹെൽപ്പ്ലൈനും പോലീസ് ഹെൽപ്പ്ലൈനും ഉൾപ്പെടെ അടിയന്തര കോൺടാക്റ്റ് നമ്പറുകളുള്ള ഒരു ബോർഡ് പിജികളിൽ പ്രദർശിപ്പിക്കണം.
ശരിയായ മാലിന്യ സംസ്കരണം, പ്രഥമശുശ്രൂഷ കിറ്റുകൾ എന്നിവയും സൂക്ഷിക്കണം. ആരോഗ്യ ഓഫീസർമാർ, മെഡിക്കൽ ഓഫീസർമാർ, സീനിയർ ഹെൽത്ത് ഇൻസ്പെക്ടർമാർ എന്നിവർ ഓരോ ആറ് മാസത്തിലും പിജികൾ പരിശോധിച്ച് നിർദേശം നടപ്പാക്കുന്നുണ്ടെന്ന് ഉറപ്പാക്കും.
TAGS: BENGALURU | BBMP
SUMMARY: BBMP enforces new guidelines for PG accommodations in Bengaluru
പത്തനംതിട്ട: ശബരിമല സന്നിധാനത്ത് ട്രാക്ടര് ഭക്തര്ക്ക് ഇടയിലേക്ക് പാഞ്ഞുകയറി അപകടം. രണ്ടുകുട്ടികള് ഉള്പ്പെടെ ഒന്പതുപേര്ക്ക് പരുക്ക്. ഇതില് രണ്ടുപേരുടെ നില…
തിരുവനന്തപുരം: തലസ്ഥാന നഗരത്തില് എന്ഡിഎക്ക് മേല്ക്കൈ നേടാനായത് ആശങ്കപ്പെടുത്തുന്നതാണെന്ന് മുഖ്യമന്ത്രി പിണറായി വിജയന്. തദ്ദേശ തിരഞ്ഞെടുപ്പില് എല്ഡിഎഫ് തിരിച്ചടി നേരിട്ടതിനെക്കുറിച്ചു…
ബെംഗളൂരൂ: കെഎസ്ആര് ബെംഗളൂരു-എറണാകുളം-ബെംഗളൂരു വന്ദേഭാരത് എക്സ്പ്രസ് സര്വീസിന് ആദ്യ മാസത്തില് തന്നെ മികച്ച പ്രതികരണമെന്ന് റിപ്പോര്ട്ടുകള്. രണ്ട് ദിശയിലേക്കുമുള്ള യാത്രക്കാരുടെ…
ബെംഗളൂരു: ബെംഗളൂരു കവിക്കൂട്ടത്തിന്റെ ആഭിമുഖ്യത്തിൽ ബെംഗളൂരുവിലെ എഴുത്തുകാരനും, സാംസ്കാരിക പ്രവർത്തകനുമായ മുഹമ്മദ് കുനിങ്ങാടിന്റെ ഗോഡ്സ് ഓൺ ചങ്ക് എന്ന കഥാസമാഹാരത്തിന്റെ…
മലപ്പുറം: തദ്ദേശ തിരഞ്ഞെടുപ്പിലെ വിജയാഹ്ലാദത്തിനിടെ പടക്കം പൊട്ടിച്ചതിന് പിന്നാലെ തീപടര്ന്നുപിടിച്ച് യുഡിഎഫ് പ്രവര്ത്തകന് ദാരുണാന്ത്യം. ചെറുകാവ് സ്വദേശി ഇര്ഷാദ് (27)…
കൊച്ചി: തദ്ദേശ തിരഞ്ഞെടുപ്പിൽ കാലിടറി ട്വന്റി 20. ഭരണത്തിലിരുന്ന നാല് പഞ്ചായത്തുകളിൽ രണ്ടെണ്ണം നഷ്ടമായി. ഇതുകൂടാതെ ഒരു ബ്ലോക്ക് പഞ്ചായത്തും…