ബെംഗളൂരുവിലെ പൊതു ടാപ്പുകളിൽ ഇതുവരെ അഞ്ച് ലക്ഷം എയറേറ്ററുകൾ സ്ഥാപിച്ചു

ബെംഗളൂരു: നഗരത്തിലെ പൊതു ടാപ്പുകളിൽ ഇതുവരെ സ്ഥാപിച്ചത് അഞ്ച് ലക്ഷം എയറേറ്ററുകളാണെന്ന് ബെംഗളൂരു വാട്ടർ സപ്ലൈ ആൻഡ് സ്വീവറേജ് ബോർഡ്‌ (ബിഡബ്ല്യൂഎസ്എസ്ബി) അറിയിച്ചു. നഗരത്തിലെ എല്ലാ ടാപ്പുകളിലും എയറേറ്റർ നിർബന്ധമാക്കിയതിനെ തുടർന്നതാണിത്.

ജലസംരക്ഷണ ശ്രമങ്ങൾ ലക്ഷ്യമിട്ട് സർക്കാർ ഓഫീസുകളും മറ്റ് പൊതു സ്ഥലങ്ങളിലും ഉൾപ്പെടെ എല്ലായിടത്തും ടാപ്പുകളിൽ എയറേറ്റർ നിർബന്ധമാക്കിയിട്ടുണ്ട്. എയറേറ്റർ സ്ഥാപിക്കുന്നതിനു ഏപ്രിൽ 30 വരെ ബോർഡ്‌ സമയപരിധി നിശ്ചയിച്ചിട്ടുണ്ട്.

എയറേറ്ററുകൾ സ്ഥാപിക്കുന്നതിലൂടെ പ്രതിദിനം 30 ശതമാനം വെള്ളം ലാഭിക്കാൻ കഴിയുമെന്ന് ബോർഡ്‌ ചെയർമാൻ വി. രാം പ്രസാദ് മനോഹർ പറഞ്ഞു. കുടിവെള്ളം അനാവശ്യ ആവശ്യങ്ങൾക്ക് ഉപയോഗിച്ചതിന് നഗരത്തിലെ 450 പേരിൽ നിന്ന് ബോർഡ് പിഴ ഈടാക്കിയിട്ടുണ്ട്.

The post ബെംഗളൂരുവിലെ പൊതു ടാപ്പുകളിൽ ഇതുവരെ അഞ്ച് ലക്ഷം എയറേറ്ററുകൾ സ്ഥാപിച്ചു appeared first on News Bengaluru.