ബെംഗളൂരു: ബെംഗളൂരുവിലെ സ്വകാര്യ എഞ്ചിനീയറിങ് കോളേജിനു നേരെ ബോംബ് ഭീഷണി. പട്ടനഗരെയിലുള്ള ആർവി കോളേജ് ഓഫ് എഞ്ചിനീയറിങ്ങിന്റെ ഇമെയിലിലേക്കാണ് സന്ദേശം ലഭിച്ചത്. ഏപ്രിൽ 21 ന് രാത്രി 9.13നാണ് മെയിൽ ലഭിച്ചത്. ചൊവ്വാഴ്ച രാവിലെ സന്ദേശം കണ്ടയുടൻ അധികൃതർ പോലീസിൽ വിവരം അറിയിച്ചു.
ജീവനക്കാരെയും, വിദ്യാർഥികളെയും ഉടൻ കോളേജ് കെട്ടിടത്തിൽ നിന്ന് സുരക്ഷിതമായി ഒഴിപ്പിച്ചു. പോലീസും ഡോഗ് സ്‌ക്വാഡും സ്ഥലത്തെത്തി പരിശോധന നടത്തിയെങ്കിലും കാര്യമായ ഫലമുണ്ടായില്ല. ഭീഷണി വ്യാജമാണെന്ന് പോലീസ് പിന്നീട് സ്ഥിരീകരിച്ചു. സമാനമായി കർണാടക ചിത്രകലാ പരിഷത്തിലെക്കും ഭീഷണി സന്ദേശം ലഭിച്ചിരുന്നു. പോലീസ് പരിശോധന നടത്തിയെങ്കിലും ബോംബ് കണ്ടെത്താനായില്ല. സംഭവത്തിൽ പോലീസ് കേസെടുത്തിട്ടുണ്ട്.
TAGS: BENGALURU | BOMB THREAT
SUMMARY: Private engineering college in Bangalore recieves bomb threat
