ബെംഗളൂരു: ബെംഗളൂരുവിൽ അടുത്ത രണ്ട് ദിവസത്തേക്ക് കനത്ത മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. മഴയ്‌ക്കൊപ്പം കാറ്റിൻ്റെ വേഗത മണിക്കൂറിൽ 40-50 കിലോമീറ്റർ ആയിരിക്കുമെന്നും ഐഎംഡി അറിയിച്ചു. അടുത്ത രണ്ട് ദിവസത്തേക്ക് ബെംഗളുരുവിലെ കൂടിയതും കുറഞ്ഞതുമായ താപനില യഥാക്രമം 27 ഡിഗ്രി സെൽഷ്യസിനും 20 ഡിഗ്രി സെൽഷ്യസിനും ഇടയിലായിരിക്കുമെന്ന് ഐഎംഡിയിലെ സയൻ്റിസ്റ്റ് ഇ.എൻ. പുവിയരശൻ പറഞ്ഞു.
തീരദേശ കർണാടകയിൽ അതിശക്തമായ മഴയ്ക്കും കാറ്റിൻ്റെ വേഗത മണിക്കൂറിൽ 30-40 കി.മീ. ആയിരിക്കുമെന്നും അദ്ദേഹം പറഞ്ഞു. വടക്കൻ കർണാടകയിലെ ജില്ലകളിൽ നേരിയതോ മിതമായതോ ആയ മഴ ലഭിച്ചേക്കും. മത്സ്യബന്ധനത്തിന് പോകുന്നവർ സൂക്ഷിക്കണമെന്നും ഐഎംഡി മുന്നറിയിപ്പ് നൽകിയിട്ടുണ്ട്.
TAGS: BENGALURU | RAIN UPDATES
SUMMARY: Heavy rainfall likely this weekend in Bengaluru
