ബെംഗളൂരു: ബെംഗളൂരുവിൽ ആകെയുള്ളത് 94,000 മരങ്ങൾ ആണെന്ന് ബിബിഎംപി സർവേ റിപ്പോർട്ട്‌. ഉപമുഖ്യമന്ത്രി ഡി. കെ. ശിവകുമാർ ആണ് റിപ്പോർട്ട്‌ പുറത്തുവിട്ടത്. എട്ട് ടെൻഡറുകൾ വഴിയാണ് നഗരത്തിൽ മരങ്ങളുടെ കണക്കെടുപ്പ് നടത്തിയത്.
ബൊമ്മനഹള്ളി സോണിലെ വിദ്യാപീഠ (4,600 മരങ്ങൾ), കത്രിഗുപ്പെ (4,300 മരങ്ങൾ) എന്നീ രണ്ട് വാർഡുകളിലാണ് കൂടുതൽ മരങ്ങളുള്ളത്. നിലവിൽ സർവേ പൂർത്തിയായതായി ഡി. കെ. ശിവകുമാർ അറിയിച്ചു. നടപ്പുസാമ്പത്തിക വർഷത്തിൽ കൂടുതൽ മരങ്ങൾ നട്ടുപിടിപ്പിക്കാനാണ് തീരുമാനമെന്നും അദ്ദേഹം പറഞ്ഞു.
2019 ഒക്ടോബർ 10 മുതലാണ് നഗരത്തിൽ ബിബിഎംപി മരങ്ങളുടെ കണക്കെടുപ്പ് ആരംഭിച്ചത്. കർണാടക ഹൈക്കോടതിയുടെ നിർദേശപ്രകാരമായിരുന്നു ഇത്. സർവേ നടത്താൻ ബിബിഎംപി ആദ്യം ഇൻസ്റ്റിറ്റ്യൂട്ട് ഓഫ് വുഡ് സയൻസ് ആൻഡ് ടെക്നോളജിയിലും തുടർന്ന് ഗാന്ധി കൃഷി വിജ്ഞാന കേന്ദ്രത്തിലുമുള്ള ഉദ്യോഗസ്ഥരെയാണ് സമീപിച്ചത്. എന്നാൽ, മാസങ്ങൾ നീണ്ട ചർച്ചകൾ നടത്തിയിട്ടും കരാറുകൾ അന്തിമമായില്ല. പിന്നീട് നിരവധി കാലതാമസങ്ങൾക്ക് ശേഷമാണ് അടുത്തിടെ കണക്കെടുപ്പ് ബിബിഎംപി പൂർത്തിയാക്കിയത്.
നിലവിൽ ബിബിഎംപിയുടെ ക്ലൈമറ്റ് ആക്ഷൻ സെൽ, നഗരത്തിലെ കിണറുകളുടെ മറ്റൊരു കണക്കെടുപ്പ് ആസൂത്രണം ചെയ്തിട്ടുണ്ട്. ഇത്തരത്തിൽ മോശം അവസ്ഥയിൽ കണ്ടെത്തുന്ന കിണറുകൾ പുനര ജീവിപ്പിക്കാൻ സർക്കാരിന്റെ സഹായം തേടുമെന്ന് ബിബിഎംപി ഉദ്യോഗസ്ഥർ അറിയിച്ചു.
TAGS: TREES| BENGALURU UPDATES| SURVEY
SUMMARY: Almost 94,000 trees in bengaluru found in tree census report
തിരുവനന്തപുരം: തിരുവനന്തപുരം ഉള്ളൂരില്‍ 62 വയസ്സുകാരിയെ ക്രൂരമായി മർദിച്ചു. ഉള്ളൂർ സ്വദേശി ഉഷയ്ക്കാണ് പരുക്കേറ്റത്. വീടിനു മുന്നില്‍ നില്‍ക്കുകയായിരുന്ന ഉഷയെ…
തൃശൂർ: കുന്നംകുളം കസ്റ്റഡി മർദ്ദനത്തിന്‍റെ ഇര വി എസ് സുജിത്ത് തദ്ദേശ തിരഞ്ഞെടുപ്പില്‍ മത്സരിക്കാനൊരുങ്ങുന്നു. യൂത്ത് കോണ്‍ഗ്രസ് നേതാവായ സുജിത്ത്…
പത്തനംതിട്ട: ശബരിമല സ്വർണക്കൊള്ള കേസില്‍ പ്രതികളുടെ റിമാൻഡ് കാലാവധി ഈമാസം 27 വരെ നീട്ടി. മുരാരി ബാബു, ഉണ്ണികൃഷ്ണൻ പോറ്റി…
ചെന്നൈ: തമിഴ്നാട്ടില്‍ പുതുക്കോട്ടൈ ജില്ലയിലെ അമ്മച്ചത്തിരത്തിന് സമീപം തിരുച്ചി - പുതുക്കോട്ടൈ ദേശീയ പാതയില്‍ ചെറിയ സ്വകാര്യ പരിശീലന വിമാനം…
ആലപ്പുഴ: അരൂരില്‍ ദേശീയപാതയുടെ ഭാഗമായി നിർമാണത്തിലിരുന്ന ആകാശപാതയുടെ ഗർഡർ തകർന്നുവീണ് മരിച്ച പിക് അപ് വാന്‍ ഡ്രൈവര്‍ രാജേഷിന്റെ കുടുംബത്തിന്…
ഡല്‍ഹി: ഡല്‍ഹി സ്ഫോടനത്തില്‍ പരുക്കേറ്റ ഒരാള്‍ കൂടി മരിച്ചു. ഇതോടെ മരിച്ചവരുടെ എണ്ണം 13 ആയി. എല്‍എൻജെപി ആശുപത്രിയില്‍ ചികിത്സയിലുണ്ടായിരുന്ന…