ബെംഗളൂരു: ബെംഗളൂരുവിൽ അടുത്ത ഒരാഴ്ചത്തേക്ക് ശക്തമായ മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. അടുത്ത രണ്ട് ദിവസങ്ങളിൽ ബെംഗളൂരുവിലെ പരമാവധി, കുറഞ്ഞ താപനില 34 ഡിഗ്രി സെൽഷ്യസിനും 23 ഡിഗ്രി സെൽഷ്യസിനും ഇടയിൽ ആയിരിക്കും. ചൊവ്വാഴ്ച മുതൽ വെള്ളി വരെ നഗരത്തിൽ ഇടിമിന്നലോടുകൂടിയ മഴയ്ക്കാണ് സാധ്യതയെന്ന് ഐഎംഡി അറിയിച്ചു.
കർണാടകയിലെ മറ്റു ജില്ലകളിലും സമാന കാലാവസ്ഥയായിരിക്കും. വടക്കൻ കർണാടക ജില്ലകളിൽ ഒറ്റപ്പെട്ട ശക്തമായ മഴയ്ക്കാണ് സാധ്യത. തീരദേശ കർണാടക ജില്ലകളിൽ ഇതിനോടകം കനത്ത മഴ ലഭിക്കുന്നുണ്ട്. വരും ദിവസങ്ങളിലും ഇത് തുടർന്നേക്കും. ബെംഗളൂരു അർബൻ, റൂറൽ ജില്ലകൾ, ബീദർ, ദക്ഷിണ കന്നഡ, ഉഡുപ്പി ജില്ലകളിലാണ് കനത്ത മഴയ്ക്ക് സാധ്യത.
TAGS: BENGALURU | RAIN
SUMMARY: Bengaluru to get heavy rainfall for coming days
