ബെംഗളൂരു – മൈസൂരു എക്സ്പ്രസ് വേയിൽ ബസ് ഷെൽട്ടറുകൾ സ്ഥാപിക്കാൻ അനുമതി

ബെംഗളൂരു: ബെംഗളൂരു – മൈസൂരു എക്സ്പ്രസ് വേയിൽ ബസ് ഷെൽട്ടറുകൾ സ്ഥാപിക്കാൻ അനുമതി ലഭിച്ചതായി കേന്ദ്ര റോഡ് ഗതാഗത, ഹൈവേ മന്ത്രി നിതിൻ ഗഡ്കരി പറഞ്ഞു. മാണ്ഡ്യ, ശ്രീരംഗപട്ടണയിലെ കോടി ഷെട്ടിപുര, സിദ്ധാപുര, ധാക്ലെ ഗ്രാമങ്ങളിലെ താമസക്കാരുടെ യാത്ര പ്രശ്നങ്ങൾക്ക് ഇതോടെ പരിഹാരമാകും. അധിക റോഡ് സുരക്ഷാ പ്രവർത്തനങ്ങളുടെ ഭാഗമായാണ് ബസ് ഷെൽട്ടറുകൾ നിർമ്മിക്കുന്നതിന് നിതിൻ ഗഡ്കരി പറഞ്ഞു.

ഷെൽട്ടർ നിർമ്മാണത്തിനുള്ള ടെൻഡറുകൾ ഇതിനകം ക്ഷണിച്ചിട്ടുണ്ട്. ബസ് ഷെൽട്ടറുകളുടെ നിർമ്മാണം ഗ്രാമീണ അടിസ്ഥാന സൗകര്യങ്ങൾ മെച്ചപ്പെടുത്തുന്നതിലും യാത്രക്കാരുടെ സുരക്ഷയും സൗകര്യവും വർധിപ്പിക്കുന്നതിലും പ്രധാന പങ്ക് വഹിക്കും. മാണ്ഡ്യ ലോക്സഭാ മണ്ഡലത്തിലെ എംപിയും കേന്ദ്ര ഘന വ്യവസായ, സ്റ്റീൽ വകുപ്പ് മന്ത്രി എച്ച്.ഡി. കുമാരസ്വാമിയുടെ അഭ്യർത്ഥനയെ തുടർന്നാണ് പദ്ധതിക്ക് അംഗീകാരം നൽകിയതെന്ന് ഗഡ്കരി കൂട്ടിച്ചേർത്തു.

TAGS: BENGALURU | MYSORE | EXPRESSWAY
SUMMARY: Union Minister Nitin Gadkari says approval for bus shelters on Bengaluru-Mysuru Expressway