ബെംഗളൂരു: ബെംഗളൂരു – മൈസൂരു ഹൈവേയിൽ വാഹനാപകടത്തിൽ രണ്ട് പേർ മരിച്ചു. രുദ്രാക്ഷിപുര ബൈപാസ് റോഡിലെ റോഡ് ഡിവൈഡറിൽ കാർ ഇടിച്ചുകയറിയാണ് അപകടം. ബെംഗളൂരു സ്വദേശികളായ കല (40), മകൻ ദർശൻ (21) എന്നിവരാണ് മരിച്ചത്.
ആഷാഡ പൂജകൾക്കായി ചാമുണ്ഡി മലയിൽ എത്തിയ കുടുംബം ബെംഗളൂരുവിലേക്ക് മടങ്ങുന്നതിനിടെയാണ് അപകടമുണ്ടായത്. കലയുടെ മകൾ മേഘ, മരുമകൻ മഞ്ജുനാഥ് എന്നിവർക്ക് ഗുരുതരമായി പരുക്കേറ്റു. എല്ലാവരും തുമകുരു ജില്ലയിലെ കുനിഗൽ സ്വദേശികളും ബെംഗളൂരുവിലെ ബാഗലകുണ്ടെയിൽ താമസിക്കുന്നവരുമാണ്.
പരുക്കേറ്റവരെ മദ്ദൂർ സർക്കാർ ആശുപത്രിയിൽ പ്രഥമ ശുശ്രൂഷ നൽകിയ ശേഷം തുടർ ചികിത്സയ്ക്കായി മാണ്ഡ്യയിലെ മിംസ് ആശുപത്രിയിലേക്ക് മാറ്റി.
മൈസൂരു-ബെംഗളൂരു ഹൈവേയിൽ സഞ്ചരിക്കുമ്പോൾ ഇവരുടെ കാർ റോഡ് ഡിവൈഡറിൽ ഇടിച്ച് കലയും ദർശനും സംഭവസ്ഥലത്ത് തന്നെ മരിക്കുകയായിരുന്നു. മഞ്ജുനാഥാണ് കാർ ഓടിച്ചിരുന്നതെന്നും അമിതവേഗത്തിലുള്ള ഡ്രൈവിംഗാണ് അപകടത്തിന് കാരണമെന്നുമാണ് പോലീസിന്റെ കണ്ടെത്തൽ. മദ്ദൂർ ട്രാഫിക് പോലീസ് സംഭവസ്ഥലത്തെത്തി കേസ് രജിസ്റ്റർ ചെയ്തു.
TAGS: BENGALURU UPDATES | ACCIDENT
SUMMARY: Woman, son killed in accident on Mysuru-Bengaluru Highway
കോട്ടയം: കോട്ടയം ജില്ലയുടെ അൻപതാമത് കലക്ടറായി ചേതൻ കുമാർ മീണ ചുമതലയേറ്റു. ബുധനാഴ്ച രാവിലെ 10.30 ന് കളക്‌ട്രേറ്റിലെത്തിയ അദ്ദേഹത്തിന് സ്ഥാനമൊഴിഞ്ഞ…
കൊല്‍ക്കത്ത: മുതിർന്ന ബംഗാളി നടി ബസന്തി ചാറ്റർജി (88) കൊല്‍ക്കത്തയിലെ വീട്ടില്‍ അന്തരിച്ചു. വളരെക്കാലമായി അർബുദ ബാധിതയായിരുന്നു. അഞ്ച് പതിറ്റാണ്ടിലേറെ…
ബെംഗളൂരു: പാലക്കാട് ഫോറം ബെംഗളൂരുവിന്റെ വാർഷിക പൊതുയോഗം മേടരഹള്ളിയിലെ ഓഫീസിൽ നടന്നു.അധ്യക്ഷൻ ആര്‍ ദിലീപ് കുമാർ അധ്യക്ഷത വഹിച്ചു. സി…
കൊച്ചി: കോടതിയില്‍ സാന്ദ്ര തോമസിന് തിരിച്ചടി. ഫിലിം പ്രൊഡ്യൂസേഴ്സ് അസോസിയേഷൻ പ്രസിഡന്‍റ് സ്ഥാനത്തേക്കുള്ള പത്രിക തള്ളിയതിനെതിരായി സമർപ്പിച്ച ഹർജി കോടതി…
തിരുവനന്തപുരം: കേരളത്തിൽ സ്വർണവിലയില്‍ നേരിയ ഇടിവ്. ഇന്ന് ഒരു പവന് 40 രൂപയുടെ കുറവാണ് രേഖപ്പെടുത്തിയത്. ഇന്നലെ ഒരു പവൻ…
ബെംഗളൂരു: സ്വാതന്ത്ര്യ ദിനാഘോഷത്തോടനുബന്ധിച്ച് ബെംഗളൂരു സ്‌റ്റോറി ടെല്ലിങ് സൊസൈറ്റി സംഘടിപ്പിക്കുന്ന സ്വാതന്ത്യസമര യോദ്ധാക്കളെക്കുറിച്ചുള്ള കഥപറച്ചിൽ പരിപാടി നാളെ വൈകിട്ട് 5…