ഭാര്യയെ കഴുത്തറുത്ത് കൊലപ്പെടുത്തിയ ശേഷം ഭര്‍ത്താവ് തൂങ്ങിമരിച്ചു

കൊച്ചി: പറവൂരിൽ ഭാര്യയെ കഴുത്തറുത്ത് കൊലപ്പെടുത്തി ഭർത്താവ് തൂങ്ങിമരിച്ചു. പറവൂർ സ്വദേശി വാലത്ത് വിദ്യാധരൻ ( 63 ) ആണ് ഭാര്യ വനജയെ ( 58 ) കഴുത്തറുത്ത് കൊലപ്പെടുത്തിയ ശേഷം തൂങ്ങിമരിച്ചത്. രണ്ടര വർ‌ഷം മുമ്പാണ് ഇവർ പറവൂരില്‍‌ താമസം തുടങ്ങിയത്.

എറണാകുളത്ത് സ്വകാര്യ ഏജൻസിയില്‍ സെക്യൂരിറ്റി ജീവനക്കാർ ആണ് വിദ്യാധരൻ. നന്ത്യാട്ടുകുന്നം ഗാന്ധി മന്ദിരത്തിലെ റിട്ട ജീവനക്കാരി ആണ് വനജ. കുറച്ച്‌ കാലം മുമ്പ് വനജയ്ക്ക് കാഴ്ചക്കുറവ് ഉണ്ടായിരുന്നു. സംഭവത്തെ തുടർന്ന് വിദ്യാധരന് മാനസികമായി ബുദ്ധിമുട്ട് അനുഭവപ്പെട്ടിരുന്നതായും ദമ്പതികള്‍ തമ്മില്‍ വഴക്കിടാറുണ്ടെന്നും നാട്ടുകാർ പറഞ്ഞതായാണ് വിവരം.

ഭാര്യയെ കൊലപ്പെടുത്തിയ ശേഷം ജീവനൊടുക്കുമെന്ന് വിദ്യാധരൻ പലപ്പോഴും പറ‍ഞ്ഞിരുന്നു. സംഭവ ദിവസം രാവിലെ മകളെ വിളിച്ച്‌ ഇക്കാര്യം പറഞ്ഞതായും പരിഭ്രാന്തരായ മകള്‍ അയല്‍വാസികളെ വിളിച്ച്ബ ഇക്കാര്യം പറയുകയും ചെയ്തു. തുടർന്ന് ഇവരെത്തി നോക്കിയപ്പോഴാണ് രണ്ടുപേരെയും മരിച്ച നിലയില്‍ കണ്ടെത്തിയത്.

TAGS :
SUMMARY : KOCHI | KILLED
The husband hanged himself after killing his wife by slitting her throat