ബെംഗളൂരു: ഭൂഗർഭ ജലം വർധിപ്പിക്കാൻ പുതിയ നയവുമായി കർണാടക സർക്കാർ. വർദ്ധിച്ചുവരുന്ന നഗരവൽക്കരണവും വനനശീകരണവും ഭൂഗർഭ ജലം കുറയാൻ കാരണമായിട്ടുണ്ട്. ഇത് കാരണമാണ് ബെംഗളൂരു ഉൾപ്പെടെയുള്ള ജില്ലകളിൽ ഈ വേനൽക്കാലം കടുത്ത ജലക്ഷാമം നേരിടേണ്ടി വന്നത്. ഇതിനൊരു പരിഹാരം കാണേണ്ടത് അത്യാവശ്യമാണെന്ന് മൈനർ ഇറിഗേഷൻ ആൻഡ് സയൻസ് ആൻഡ് ടെക്നോളജി മന്ത്രി എൻ. എസ്. ബോസരാജു പറഞ്ഞു.
ഭൂഗർഭജലനിരപ്പ് കുറയുന്നതിൻ്റെ ആശങ്കകൾക്കിടയിലാണ് പുതിയ നയരൂപീകരണം. കർണാടക സയൻസ് ആൻഡ് ടെക്നോളജി അക്കാദമി സംഘടിപ്പിച്ച ജലസുരക്ഷയ്‌ക്കായുള്ള സുസ്ഥിര ഭൂഗർഭജല മാനേജ്‌മെൻ്റിനെക്കുറിച്ചുള്ള ത്രിദിന സമ്മേളനത്തിൽ സംസാരിക്കുകയായിരുന്നു ബോസരാജു.
അടിയന്തര നടപടി സ്വീകരിച്ചില്ലെങ്കിൽ ഭാവിതലമുറയ്ക്ക് കാര്യമായ അപകടസാധ്യതകൾ സൃഷ്ടിക്കുമെന്ന് അദ്ദേഹം പറഞ്ഞു. മഴവെള്ള സംഭരണം, ഭൂഗർഭജല പുനരുജ്ജീവനം പ്രോത്സാഹിപ്പിക്കൽ തുടങ്ങിയ സുസ്ഥിരമായ രീതികൾ സ്വീകരിക്കേണ്ടതിൻ്റെ അടിയന്തര ആവശ്യകത ബോസരാജു ചൂണ്ടിക്കാട്ടി. നയം ഫലപ്രദമായി നടപ്പാക്കുന്നതിന് ആവശ്യമായ എല്ലാ ശ്രമങ്ങളും സർക്കാരിന്റെ ഭാഗത്ത് നിന്നുണ്ടാകുമെന്ന് അദ്ദേഹം വ്യക്തമാക്കി. മുഖ്യമന്ത്രി സിദ്ധരാമയ്യ ഇതിനോടകം നയ രൂപീകരണത്തിന് അനുമതി നൽകിയതായി മന്ത്രി കൂട്ടിച്ചേർത്തു.
TAGS: BENGALURU UPDATES| GROUNDWATER
SUMMARY: Govt approves new policy to increase groundwater level
ചണ്ഡീഗഡ്: മതവികാരം വ്രണപ്പെടുത്തിയെന്നാരോപിച്ച് ബിഗ് ബോസ് താരവും യൂട്യൂബറുമായ അർമാൻ മാലിക്കിനും ഭാര്യമാരായ പായല്‍, കൃതിക മാലിക് എന്നിവര്‍ക്കും സമന്‍സ്…
ബെംഗളൂരു: ഉഡുപ്പിയില്‍ വാട്ട്‌സ്ആപ് ഓഡിയോ ക്ലിപ്പ് പുറത്തുവിട്ടതിനെ ചൊല്ലിയുള്ള തർക്കത്തെ തുടർന്ന് യുവാവിനെ മൂന്നംഗ സംഘം വീട്ടിൽ കയറി വെട്ടിക്കൊന്നു.…
ബെംഗളൂരു: ജാലഹള്ളി ശ്രീ അയ്യപ്പ ക്ഷേത്രത്തിൽ ഒക്ടോബറിൽ നടക്കാനിരിക്കുന്ന ശ്രീമദ് ഭാഗവത സമീക്ഷാ സത്രത്തിൻ്റെ ഭാഗമായി ശ്രീമദ് ഭാഗവത സത്ര…
ബെംഗളൂരു: എടിഎമ്മിൽ കയറി കവർച്ച നടത്താൻ ശ്രമിച്ച കള്ളനെ കൈയോടെ പിടികൂടി പോലീസ്. കർണാടകയിലെ ബെല്ലാരിയില്‍ ചൊവ്വാഴ്ച രാത്രിയാണ് സംഭവം.…
ചെന്നൈ: തമിഴ്നാട് ഗവർണറില്‍ നിന്നും ബിരുദം സ്വീകരിക്കാൻ വിസമ്മതിച്ച് പി.എച്ച്.ഡി വിദ്യാർഥിനി. മനോന്മണിയം സുന്ദരനാർ സർവകലാശാലയുടെ ബിരുദദാന ചടങ്ങിൽ മൈക്രോ…
ന്യൂഡല്‍ഹി: തന്റെ സമീപകാല രാഷ്ട്രീയ പോരാട്ടങ്ങളുടെ പേരില്‍ നാഥുറാം ഗോഡ്‌സെയുടെ പിന്‍ഗാമികളില്‍നിന്ന് തനിക്ക് ജീവന് ഭീഷണിയുണ്ടെന്ന് കോണ്‍ഗ്രസ് നേതാവും ലോക്‌സഭാ…