മദ്യപിക്കാന്‍ പണം നല്‍കിയില്ല; മകന്‍ അമ്മയെ വെട്ടിപ്പരിക്കേല്‍പ്പിച്ചു

കൊല്ലം: തേവലക്കരയില്‍ മകൻ അമ്മയെ വെട്ടിപ്പരിക്കേല്‍പ്പിച്ചു. തേവലക്കര സ്വദേശി കൃഷ്ണകുമാരിക്കാണ് വെട്ടേറ്റത്. മകൻ മനു മോഹനെ പോലീസ് കസ്റ്റഡിയിലെടുത്തു. പരുക്കേറ്റ കൃഷ്ണകുമാരിയെ വണ്ടാനം മെഡിക്കല്‍ കോളജിലേക്ക് മാറ്റി. മദ്യപിച്ച് വീട്ടിലെത്തിയ മനു മോഹൻ വീണ്ടും മദ്യപിക്കാൻ പണം ആവശ്യപ്പെടുകയായിരുന്നു.

പണം നല്‍കാത്തതിനെ തുടർന്നാണ് ആക്രമിച്ചത്. കൃഷ്ണകുമാരിയുടെ കൈക്കും മുഖത്തും പരിക്കുണ്ട്. മനു മോഹൻ സ്ഥിരമായി മദ്യപിച്ച്‌ വീട്ടില്‍ പ്രശ്‌നങ്ങളുണ്ടാക്കാറുണ്ടെന്ന് നാട്ടുകാർ പറഞ്ഞു. പ്രതിക്കെതിരെ വധശ്രമത്തിനടക്കം പോലീസ് കേസ് രജിസ്റ്റര്‍ ചെയ്തിട്ടുണ്ട്.

TAGS : CRIME
SUMMARY : The son attack his mother