മെട്രോ രണ്ടാം ഘട്ട നിർമാണം അതിവേഗം പൂർത്തിയാക്കാനൊരുങ്ങി ബിഎംആർസിഎൽ

ബെംഗളൂരു: നമ്മ മെട്രോയുടെ രണ്ടാം ഘട്ട പദ്ധതി അതിവേഗം പൂർത്തിയാക്കാനൊരുങ്ങി ബിഎംആർസിഎൽ. ഏറ്റെടുത്ത ജോലികൾ തീർപ്പാക്കണം 3044 കോടി രൂപ ബിഎംആർസിഎൽ വായ്പ എടുത്തു. ജർമൻ കമ്പനിയായ കെഎഫ്‌ഡബ്ല്യുവും ബിഎംആർസിഎല്ലും തമ്മിൽ വെള്ളിയാഴ്ച ധാരണാപത്രം ഒപ്പുവെച്ചു.

പിങ്ക് ലൈൻ ആണ് രണ്ടാം ഘട്ടത്തിൽ ഉൾപ്പെടുന്നത്. നഗരത്തിൻ്റെ ഗതാഗത സംവിധാനത്തിൽ നിർണായകമാകുമെന്ന പിങ്ക് ലൈൻ നഗരത്തിലെ ഏറ്റവും ദൈർഘ്യമേറിയ ഭൂഗർഭ മെട്രോ പാതയായി മാറും. 2025ൽ പദ്ധതി പൂർത്തിയാകുമെന്ന റിപ്പോർട്ടുകൾ ഉണ്ടായിരുന്നുവെങ്കിലും നിർമാണ പ്രവൃത്തികൾ വൈകിയതിനാൽ 2026 ഡിസംബറിൽ പാത പൂർണമായി തുറക്കുക. 12 ഭൂഗർഭ സ്റ്റേഷനുകളും 6 എലവേറ്റഡ് സ്റ്റേഷനുകളും ഉൾക്കൊള്ളുന്ന 21.26 കിലോമീറ്റർ ദൈർഘ്യമുള്ളതാണ് പിങ്ക് ലൈൻ.

75.06 കിമീ മെട്രോ ഫേസ് 2 പ്രോജക്ടായ പിങ്ക് ലൈനിലെ 26 ടിബിഎമ്മുകളും 100 ശതമാനം ടണലിങ് പ്രവൃത്തികളും പൂർത്തിയാക്കി. പദ്ധതിയുടെ ഭാഗമായ ആദ്യ ടിബിഎം ഉർജ ആണ്. ഭദ്ര, വരദ, അവ്നി, ഊർജ, ലവി, വിന്ധ്യ, വാമിക, രുദ്ര, തുംഗ എന്നീ ടിബിഎമ്മുകളാണ് പദ്ധതിയുടെ ഭാഗമായത്.

ഭൂഗർഭ സ്റ്റേഷനുകൾ ഉൾപ്പെടെ 18 സ്റ്റേഷനുകളാണ് പാതയിലുള്ളത്. പിങ്ക് ലൈൻ രണ്ട് ഘട്ടങ്ങളിലായാണ് തുറക്കുക. കലേന അഗ്രഹാര മുതൽ തവരെകെരെ വരെയുള്ള 7.5 കിലോമീറ്റർ ദൈർഘ്യം 2025 ഡിസംബറോടെ തുറക്കും. ഡയറി സർക്കിൾ മുതൽ നാഗവാര വരെയുള്ള ഭൂഗർഭ ഭാഗം 2026 ഡിസംബറോടെ പ്രവർത്തനം ആരംഭിക്കാനാണ് പദ്ധതി.

TAGS: BENGALURU | NAMMA METRO
SUMMARY: Rs 3,000-crore loan for Bengaluru Namma Metro Phase 2, gets quick reboost