ബെംഗളൂരു: യുവതിയെ ഭർതൃവീട്ടിൽ ദുരൂഹസാഹചര്യത്തിൽ മരിച്ച നിലയിൽ കണ്ടെത്തി. കോലാർ താലൂക്കിലെ തൊട്ട്‌ലി ഗ്രാമത്തിലെ നന്ദിനിയാണ് (24) മരിച്ചത്. സംഭവത്തിൽ ഇവരുടെ ഭർത്താവ് നാഗേഷിനെ പോലീസ് കസ്റ്റഡിയിലെടുത്തു. ചെറുപ്പത്തിൽ മാതാപിതാക്കൾ മരിച്ച നന്ദിനി കോലാറിലെ അനാഥാലയത്തിലായിരുന്നു വളർന്നത്.
ഇവിടെ വെച്ച് നാഗേഷുമായി അടുപ്പത്തിലാകുകയും ഇരുവരും വിവാഹം ചെയ്യുകയുമായിരുന്നു. എന്നാൽ സ്ത്രീധനം ആവശ്യപ്പെട്ട് നാഗേഷിന്റെ വീട്ടുകാർ നന്ദിനിയെ നിരന്തരം ഉപദ്രവിക്കാറുണ്ടായിരുന്നു. സ്ഥിരം മദ്യപാനിയായ നാഗേഷും നന്ദിനിയെ ഉപദ്രവിക്കുമായിരുന്നു.
കഴിഞ്ഞ ദിവസം രാത്രി നാഗേഷ് വീട്ടിലെത്തിയ ശേഷം നന്ദിനിയുമായി വഴക്കുണ്ടായെന്നും, ഇതേതുടർന്ന് യുവതിയെ കഴുത്തറുത്ത് കൊലപ്പെടുത്തിയതാണെന്നുമാണ് പോലീസിന്റെ പ്രാഥമിക നിഗമനം. സംഭവത്തിൽ കോലാർ റൂറൽ പോലീസ് കേസെടുത്തു.
TAGS: KARNATAKA | DEATH
SUMMARY: Newly Married woman found dead under suspicious circumstances
