രാഹുൽ ഗാന്ധിക്കെതിരായ വിവാദ പരാമർശം; ബിജെപി എംഎൽഎക്കെതിരെ കേസ്

ബെംഗളൂരു: കോൺഗ്രസ് നേതാവ് രാഹുൽ ഗാന്ധിക്കെതിരെ നടത്തിയ പരാമർശത്തിൽ ബിജെപി എംഎൽഎ ഭരത് ഷെട്ടിക്കെതിരെ കേസ്. മംഗളൂരു സിറ്റി കോർപ്പറേഷനിലെ കോൺഗ്രസ് കോർപ്പറേറ്ററായ കെ.അനിൽ നൽകിയ പരാതിയുടെ അടിസ്ഥാനത്തിൽ കാവൂർ പോലീസ് സ്റ്റേഷനിലാണ് എഫ്ഐആർ രജിസ്റ്റർ ചെയ്തിരിക്കുന്നത്.

രാഹുൽ ഗാന്ധിയെ പരാമർശിച്ച് എംഎൽഎ ഭരത് ഷെട്ടി പ്രകോപനപരമായ പ്രസ്താവന നടത്തിയെന്ന് കെ.അനിൽ പരാതിയിൽ പറഞ്ഞു. കേസിൽ അന്വേഷണം നടക്കുകയാണെന്ന് മംഗളൂരു സിറ്റി പോലീസ് കമ്മീഷണർ അനുപം അഗർവാൾ പറഞ്ഞു. അതേസമയം, രാഹുൽ ഗാന്ധിക്കെതിരായ പരാമർശത്തിൽ കോൺഗ്രസ് പ്രവർത്തകരും നേതാക്കളും ഭരത് ഷെട്ടിക്കെതിരെ രൂഷ വിമർശനം നടത്തി.

ഞായറാഴ്ച സൂറത്ത്കലിൽ നടന്ന സമ്മേളനത്തിനിടെയാണ് അദ്ദേഹം വിവാദ പരാമർശം നടത്തിയത്. രാഹുൽ ഗാന്ധിയെ പാർലമെൻ്റിനുള്ളിൽ അറസ്റ്റുചെയ്യണമെന്നും തല്ലണമെന്നുമായിരുന്നു എംഎൽഎയുടെ പ്രസ്താവന. ഇതോടെ വ്യാപക വിമർശനമാണ് എംഎൽഎക്കെതിരെ ഉയർന്നത്.

TAGS: KARNATAKA | RAHUL GANDHI | BHARAT SHETTY
SUMMARY: BJP MLA Bharath Shetty booked for remarks against Rahul Gandhi