ബെംഗളൂരു: റിപ്പബ്ലിക് ദിനാഘോഷത്തിന്റെ ഭാഗമായി ലാൽബാഗിൽ സംഘടിപ്പിച്ച പുഷ്പമേള സമാപിച്ചു. ആദികവി മഹർഷി വാൽമീകി എന്ന പ്രമേയത്തിലാണ് ലാൽബാഗ് ബൊട്ടാണിക്കൽ ഗാർഡനിൽ 11 ദിവസത്തെ പുഷ്പമേള നടന്നത്. ആകെ 4.75 ലക്ഷം പേർ പങ്കെടുത്തു. ഇത് ഹോർട്ടികൾച്ചർ വകുപ്പിന് മൊത്തം 2.3 കോടി രൂപയുടെ വരുമാനം നേടിക്കൊടുത്തു.
ജനുവരി 16നാണ് പുഷ്പമേള ആരംഭിച്ചത്. നഗരത്തിലെ മോശം കാലാവസ്ഥയാണ് സന്ദർഷകരുടെ എണ്ണം കുറയാൻ കാരണമായത്. ഇന്റർനാഷണൽ മില്ലറ്റ് മേള, സ്കൂൾ, കോളേജ് പരീക്ഷകൾ എന്നിവയും സന്ദർശകർ കുറയാൻ കാരണമായതായി ഹോർട്ടികൾച്ചർ വകുപ്പിലെ പാർക്ക്സ് ആൻഡ് ഗാർഡൻസ് ജോയിന്റ് ഡയറക്ടർ എം. ജഗദീഷ് പറഞ്ഞു. റിപ്പബ്ലിക് ദിനത്തിൽ നല്ല തിരക്കായിരുന്നുവെന്നും 1.1 ലക്ഷത്തിലധികം പേർ ഷോ സന്ദർശിച്ചുവെന്നും അദ്ദേഹം കൂട്ടിച്ചേർത്തു.
TAGS: BENGALURU | LALBAG FLOWERSHOW
SUMMARY: Republic Day flower show in Bengaluru draws 4.75 lakh visitors
