വനിതാ മന്ത്രിക്കെതിരെ അശ്ലീല പരാമർശം; സി.ടി. രവിക്കെതിരായ കേസന്വേഷണം സിഐഡിക്ക്

ബെംഗളൂരു: വനിതാ മന്ത്രി ലക്ഷ്മി ഹെബ്ബാൾക്കർക്കെതിരെ അശ്ലീല പരാമർശം നടത്തിയ സംഭവവുമായി ബന്ധപ്പെട്ട് ബിജെപി നേതാവ് സി.ടി രവിക്കെതിരായ കേസ് സിഐഡിക്ക് കൈമാറി. നിയമനിർമാണ കൗൺസിൽ യോഗത്തിൽ വെച്ചായിരുന്നു സംഭവം.

കൗൺസിൽ യോഗത്തിനിടെ കോൺഗ്രസിന്റെയും ബിജെപിയുടെയും അംഗങ്ങൾ തമ്മിൽ വാക്കുതർക്കം ഉണ്ടായിരുന്നു. ഇതിനിടെയാണ് മന്ത്രി ലക്ഷ്മി ഹെബ്ബാൾക്കർക്കെതിരേ സ്ത്രീത്വത്തെ അപമാനിക്കുന്ന തരത്തിലുള്ള പദമുപയോഗിച്ചു എന്ന പരാതി വന്നത്.

ഇതിനെ തുടർന്ന് സിടി രവിയെ അറസ്റ്റ് ചെയ്യുകയും കോടതിയിൽ ഹാജരാക്കുകയും ചെയ്തിരുന്നു. പിന്നീട് കർണാടക ഹൈക്കോടതിയാണ് ഇടക്കാല ജാമ്യം അനുവദിച്ചത്. വിഷയത്തിൽ ഇതുവരെ ബെംഗളൂരു പോലീസായിരുന്നു അന്വേഷണം നടത്തിവന്നത്. എന്നാൽ സി.ടി രവി അശ്ലീലപരാമർശം നടത്തുന്നത് ദൃശ്യങ്ങൾ പരിശോധിച്ചതിൽ നിന്ന് വ്യക്തമായിട്ടില്ലെന്ന് നിയമനിർമാണ കൗൺസിൽ ചെയർമാനും ബിജെപി നേതാവുമായ ബസവരാജ് ഹൊരട്ടിയുടെ പറഞ്ഞു.

TAGS: KARNATAKA | CT RAVI
SUMMARY: Karnataka orders CID probe over BJP legislator CT Ravi’s ‘derogatory remark against minister Laxmi Hebbalkar