വാട്ടർ ടാങ്കർ ഇടിച്ച് യുവ മോഡലിന് ദാരുണാന്ത്യം

ടാങ്കർ ലോറി ഇരുചക്ര വാഹനത്തിലിടിച്ച് മോഡലിന് ദാരുണാന്ത്യം. മുംബൈ മലാഡ് നിവാസിയായ ശിവാനി സിംഗ് (25)ആണ് മരിച്ചത്. കഴിഞ്ഞ ദിവസം മുംബൈ ബാന്ദ്രയിലെ ഡോ. ബാബാസാഹെബ് അംബേദ്കർ റോഡിൽ രാത്രി എട്ട് മണിയോടെയാണ് അപകടമുണ്ടായത്. സുഹൃത്തിനൊപ്പം പോകുമ്പോഴായിരുന്നു അപകടം.

ഇടിയുടെ ആഘാതത്തിൽ ഇരുചക്ര വാഹനത്തിൽ നിന്ന് തെറിച്ചുവീണ ശിവാനി ടാങ്കറിൻ്റെ ചക്രത്തിനടിയിലാവുകയായിരുന്നു. സുഹൃത്ത് അപകടത്തിൽ നിന്ന് രക്ഷപ്പെട്ടു. ഉടൻ തന്നെ ശിവാനിയെ ആശുപത്രിയിൽ എത്തിച്ചെങ്കിലും രക്ഷപ്പെടുത്താനായില്ല. സുഹൃത്ത് പരുക്കുകളോടെ രക്ഷപ്പെട്ടു.

ടാങ്കർ അമിത വേഗതയിലായിരുന്നുവെന്ന് ദൃക്സാക്ഷികൾ. അപകടമുണ്ടായ ഉടനെ ഡ്രൈവർ ഓടി രക്ഷപ്പെടുകയായിരുന്നു. ഡ്രൈവറെ പിടികൂടാനായി പ്രദേശത്തെ സിസിടിവി ദൃശ്യങ്ങൾ പോലീസ് പരിശോധിച്ചുവരികയാണ്.
<BR>
TAGS : ACCIDENT
SUMMARY : Water tanker hits tragic end for young model