ബെംഗളൂരു: പുതിയ അധ്യയന വർഷം ആരംഭിക്കുന്നതിന് മുന്നോടിയായി, സ്കൂൾ വിദ്യാർഥികളുടെ സുരക്ഷ കണക്കിലെടുത്തിയഹ് സേഫ് റൂട്ട്സ് ടു സ്കൂൾ (എസ്ആർടിഎസ്) പദ്ധതി നടപ്പാക്കാനൊരുങ്ങി ബെംഗളൂരു ട്രാഫിക് പോലീസ്. ബിബിഎംപി, ബിഎംടിസി, സ്കൂൾ വിദ്യാഭ്യാസ സാക്ഷരതാ വകുപ്പ്, സ്കൂൾ മാനേജ്‌മെൻ്റ് എന്നിവയുമായി സഹകരിച്ചാണ് ട്രാഫിക് പോലീസ് പദ്ധതി നടപ്പാക്കുന്നത്.
പദ്ധതിയുടെ ഭാഗമായി, സ്കൂൾ പരിസരങ്ങളിലെ റോഡ് സുരക്ഷ വർധിപ്പിക്കുന്നതിലാണ് ട്രാഫിക് പോലീസ് ശ്രദ്ധ കേന്ദ്രീകരിക്കുന്നത്. വിവിധ ഘട്ടങ്ങളായാണ് പദ്ധതി നടപ്പാക്കുന്നത്. അശോക്‌നഗർ, ശിവാജിനഗർ, ജയനഗർ, ഹെന്നൂർ, ഇന്ദിരാനഗർ തുടങ്ങിയ പ്രദേശങ്ങളിലാണ് ആദ്യഘട്ടത്തിൽ പദ്ധതി നടപ്പാക്കുക. വാഹനങ്ങളുടെ വേഗത കുറയ്ക്കുന്നതിനായി തെർമോപ്ലാസ്റ്റിക് മെറ്റീരിയലിൽ നിർമ്മിച്ച സൈൻബോർഡുകളും റംബിൾ സ്ട്രിപ്പുകളും പോലുള്ള ട്രാഫിക് സുഗമമാക്കുന്ന നടപടികളും പദ്ധതിയിൽ ഉൾപെടുത്തുമെന്ന് ജോയിൻ്റ് പോലീസ് കമ്മീഷണർ (ട്രാഫിക്) എം. എൻ. അനുചേത് പറഞ്ഞു.
ഓരോ ഡിവിഷനിലും കുറഞ്ഞത് ഒരു സ്കൂൾ സോണെങ്കിലും പദ്ധതിക്കായി ട്രാഫിക് പോലീസ് കണ്ടെത്തിയിട്ടുണ്ട്. സർക്കാർ ബജറ്റ് അനുവദിക്കുകയാണെങ്കിൽ കൂടുതൽ പ്രദേശങ്ങൾ ആദ്യഘട്ടത്തിൽ ഉൾപ്പെടുത്താനും സ്കൂൾ സോണുകൾ മികച്ച രീതിയിൽ നിർണ്ണയിക്കാനും ട്രാഫിക് പോലീസ് തയ്യാറാണെന്ന് അദ്ദേഹം പറഞ്ഞു. കൂടാതെ, ട്രാഫിക് പോലീസ് സാധ്യമാകുന്നിടത്തെല്ലാം കൂടുതൽ ഓഫീസർമാരെയും ഹോം ഗാർഡുകളെയും ട്രാഫിക് വാർഡൻമാരെയും വിന്യസിക്കും.
സ്‌കൂളുകൾക്ക് പുറത്ത് വേഗപരിധി 30 കിലോമീറ്ററായി പരിമിതപ്പെടുത്തും. എന്നാൽ റോഡിൻ്റെ തരം അനുസരിച്ച്, മണിക്കൂറിൽ 30 കിലോമീറ്റർ മുതൽ 50 കിലോമീറ്റർ വരെ വേഗപരിധിയാകാം. അനുമതി ലഭിച്ചാൽ മൂന്ന് മാസത്തിനുള്ളിൽ പദ്ധതി പൂർത്തിയാക്കാൻ കഴിയുമെന്ന് അനുചേത് വിശദീകരിച്ചു. കർണാടക ക്രിമിനൽ ഇൻവെസ്റ്റിഗേഷൻ ഡിപ്പാർട്ട്‌മെൻ്റിൻ്റെ (സിഐഡി) നിലവിലെ മേധാവി എം.എ. സലീമാണ് 2006-ൽ സ്കൂൾ വിദ്യാഭ്യാസ, സാക്ഷരതാ വകുപ്പുമായി സഹകരിച്ച് പദ്ധതി ആദ്യമായി ആവിഷ്കരിച്ചത്.
കോഴിക്കോട്: കോഴിക്കോട് മെഡിക്കൽ കോളേജിൽ പനി ബാധിച്ച് ചികിത്സ തേടിയ രണ്ട് പേർക്ക് കൂടി അമീബിക് മസ്തിഷ്ക ജ്വരം സ്ഥിരീകരിച്ചു.…
മലപ്പുറം: മലപ്പുറം കുറ്റിപ്പുറത്ത് ടൂറിസ്റ്റ് ബസ് മറിഞ്ഞ് നിരവധിപേര്‍ക്ക് പരുക്കേറ്റു. കുറ്റിപ്പുറം പാലത്തിന് സമീപമാണ് അപകടമുണ്ടായത്. കോട്ടക്കലില്‍നിന്ന് ചമ്രവട്ടത്തേക്ക് വിവാഹ…
ശ്രീനഗർ: ജമ്മുകാശ്മീരിലെ കത്വ ജില്ലയിൽ ശനിയാഴ്ച അർദ്ധരാത്രിയുണ്ടായ മേഘവിസ്ഫോടനത്തിൽ ഏഴ് പേർ മരിക്കുകയും ആറ് പേർക്ക് പരുക്കേൽക്കുകയും ചെയ്തു. രാജ്ബാഗിലെ…
തൃശൂര്‍: തൃശൂരിലെ കള്ളവോട്ട് വിഷയത്തിൽ മൗനം വെടിഞ്ഞ് കേന്ദ്രസഹമന്ത്രി സുരേഷ് ഗോപി. ആരോപണങ്ങൾക്ക് മറുപടി പറയില്ല. മറുപടി തിരഞ്ഞെടുപ്പ് കമ്മീഷൻ…
പത്തനംതിട്ട: ശബരിഗിരി ജലവൈദ്യുതി പദ്ധതിയുടെ ഭാഗമായ കക്കി ആനത്തോട് ഡാമിന്റെ രണ്ടു ഷട്ടറുകള്‍ തുറന്നു. രണ്ട്, മൂന്ന് നമ്പര്‍ ഷട്ടറുകളാണ്…
ഡൽഹി: 2012-ലെ കലാപക്കേസിലും കൊലപാതകശ്രമക്കേസിലും ശിക്ഷിക്കപ്പെട്ട ഗുണ്ടാ നേതാവായ സല്‍മാൻ ത്യാഗിയെ മണ്ടോളി ജയിലില്‍ തൂങ്ങിമരിച്ച നിലയില്‍ കണ്ടെത്തി. ജയില്‍…