വിഷ്ണുപുരം ശ്രീ മുത്തപ്പൻ മടപ്പുര പുനഃപ്രതിഷ്ഠ തിറമഹോത്സവത്തിന് നാളെ തുടക്കം

ബെംഗളൂരു: വിഷ്ണുപുരം ശ്രീ മുത്തപ്പൻ മടപ്പുര പുനഃപ്രതിഷ്ഠ തിറമഹോത്സവത്തിന് നാളെ തുടക്കമാകും. വ്യാഴാഴ്ച വൈകിട്ട് 4 ന് ബ്രഹ്മശ്രീ കുന്നത്തില്ലത്ത് മുരളി കൃഷ്ണൻ നമ്പൂതിരി കാർമികത്വത്തിൽ പുണ്യാഹം, മഹാസുദർശന ഹോമം, ദേവി പൂജ എന്നിവയുണ്ടാകും.

വെള്ളിയാഴ്ച രാവിലെ 8 ന് 108 നാളികേരം കൊണ്ടുള്ള മഹാഗണപതി ഹോമം, കലശാഭിഷേകം, ജിവോദ്വാസന, ജീവകലശം, ശയ്യയിലേക്ക് എഴുന്നള്ളിക്കൽ, വൈകുന്നേരം ദേവീപൂജ, ധ്വാനവാസം എന്നിവ ഉണ്ടാകും.

ശനിയാഴ്ച പുലർച്ചെ 4.45 മുതൽ ഗണപതി ഹോമം, ശയ്യയിൽ അധിവാസം, വിടർത്തി പൂജ, ശുഭമുഹൂർത്തത്തിൽ പ്രതിഷ്ഠ, ഉച്ചയ്ക്ക് രണ്ടിന് മലയിറക്കൽ കർമ്മം, വൈകിട്ട് 4 മണിക്ക് മുത്തപ്പൻ വെള്ളാട്ടം, 6 മണിക്ക് താലപൊലി, 8 മണിക്ക് കരിമരുന്ന് പ്രയോഗം എന്നിവ ഉണ്ടാകും.

അവസാന ദിവസമായ ഞായറാഴ്ച രാവിലെ 10 ന് തിരുവപ്പന, തുടർന്ന് ഭഗവതിയും തിറയും നടക്കും. വൈകിട്ട് 5ന് പള്ളിവേട്ടയും ഉണ്ടാകും. എല്ലാ ഭക്തജനങ്ങളേയും സ്വാഗതം ചെയ്യുന്നതായി വിഷ്ണുപുരം ശ്രീ മുത്തപ്പൻ മടപ്പുര ട്രസ്റ്റ് ഭാരവാഹികൾ അറിയിച്ചു.
<br>
TAGS : MUTHAPPAN TEMPLE