ബെംഗളൂരു: മലയാളം വാക്കുകളുടെ തമിഴ്, കന്നഡ, തെലുഗ് അര്‍ഥങ്ങള്‍ ലഭ്യമാകുന്ന ‘സമം’ (samam.net) ചതുര്‍ഭാഷ നിഘണ്ടുവിന്റെ ഓണ്‍ലൈന്‍ പതിപ്പ് പ്രകാശനം ഇന്ന് ഉച്ചയ്ക്ക് 2.30 ന് ഡോംലൂരിലെ ബാംഗ്ലൂര്‍ ഇന്റര്‍നാഷണല്‍ സെന്ററില്‍ നടക്കും. ഞാറ്റുവേല ശ്രീധരൻ തയ്യാറാക്കിയ പ്രശസ്തമായ ചതുർ ദ്രാവിഡഭാഷാ നിഘണ്ടുവിന് ഇന്‍ഡിക്ക് ഡിജിറ്റല്‍ തയ്യാറാക്കിയ ഓൺലൈൻ പതിപ്പാണ് പ്രകാശനം ചെയ്യുന്നത്. മലയാളം മിഷന്‍ കര്‍ണാടക ചാപ്റ്ററുമായി സഹകരിച്ച് നടത്തുന്ന പരിപാടിയില്‍ ഇ. കെ. കുറുപ്പ് രചിച്ച ഇംഗ്ലീഷ് – മലയാളം പദസഞ്ചയം (തിസോറസ്) ഓളം നിഘണ്ടുവില്‍ ഉള്‍ക്കൊള്ളിക്കുന്നതിന്റെ പ്രഖ്യാപനവും നടത്തും. ഇന്‍ഡിക്ക് ഫൗണ്ടേഷനും മലയാളം മിഷന്‍ കര്‍ണാടക ചാപ്റ്ററും സംയുക്തമായി നടത്തുന്ന പ്രൂഫ് റീഡിങ്ങ് പദ്ധതിയുടെ പ്രഖ്യാപനവും ചടങ്ങില്‍ ഉണ്ടാകും.
ഞാറ്റ്യേല ശ്രീധരന്‍, ഇ. കെ. കുറുപ്പ്, കേന്ദ്രസാഹിത്യ അക്കാദമി പുരസ്‌കാരം നേടിയ സുധാകരന്‍ രാമന്തളി, കെ.കെ. ഗംഗാധരന്‍, ഭാഷാ കമ്പ്യൂട്ടിംഗ് വിദഗ്ധനും മഹര്‍ഷി ഭദ്രയാന്‍ വ്യാസ് സമ്മാന്‍ പുരസ്‌കാര ജേതാവുമായ സന്തോഷ് തോട്ടിങ്ങല്‍, എഴുത്തുകാരന്‍ ഡോ. വിനോദ് ടി.പി, മലയാളം മിഷന്‍ കര്‍ണാടക ചാപ്റ്റര്‍ പ്രസിഡണ്ടും ഭാഷാമയൂരം പുരസ്‌കാര ജേതാവുമായ കെ. ദാമോധരന്‍, മലയാളം മിഷന്‍ കര്‍ണാടക ചാപ്റ്റര്‍ സെക്രട്ടറി ഹിത വേണുഗോപാല്‍, ഇന്‍ഡിക്ക് ഫൗണ്ടേഷന്‍ പ്രവര്‍ത്തകരായ ഷിജു അലക്‌സ്, ജിസ്സോ ജോസ്, കൈലാഷ്‌നാഥ് എന്നിവര്‍ ചടങ്ങില്‍ പങ്കെടുക്കും.
മലയാളം വാക്കുകളുടെ തമിഴ്, കന്നഡ, തെലുഗ് അര്‍ഥങ്ങള്‍ എളുപ്പത്തില്‍ ലഭിക്കും വിധത്തിലാണ് സമം രൂപപ്പെടുത്തിയിരിക്കുന്നത്. ബെംഗളൂരുവിലെ മലയാളികള്‍ക്ക് മറ്റു ദക്ഷിണേന്ത്യന്‍ ഭാഷകള്‍ സംസാരിക്കുന്നവരുമായുള്ള ആശയവിനിമയത്തിന് സഹായകരമാകുന്ന രീതിയിലാണ് സമം രൂപപ്പെടുത്തിയിരിക്കുന്നത്. ചതുര്‍ ദ്രാവിഡഭാഷാ നിഘണ്ടുവിന്റെ പുസ്തകരൂപം 2022-ല്‍ കേരള ഭാഷാ ഇന്‍സ്റ്റിറ്റ്യൂട്ട് പുറത്തിറക്കിയിരുന്നു. നിഘണ്ടുവിന്റെ കൈയെഴുത്തുപ്രതികള്‍ ഡിജിറ്റൈസ് ചെയ്തത് ഇന്‍ഡിക്ക് ഡിജിറ്റല്‍ ആര്‍ക്കൈവ് ഫൗണ്ടേഷന്റെ ‘ഗ്രന്ഥപ്പുര’ വെബ്സൈറ്റിലൂടെ റിലീസ് ചെയ്യും.
The post ‘സമം’ ചതുർഭാഷാ ഓൺലൈൻ നിഘണ്ടു പ്രകാശനം ഇന്ന് appeared first on News Bengaluru.
Powered by WPeMatico
ബെംഗളൂരു: ലാൽബാഗ് സ്വാതന്ത്ര്യദിന പുഷ്പമേള ഓഗസ്റ്റ് 7ന് മുഖ്യമന്ത്രി സിദ്ധരാമയ്യ ഉദ്ഘാടനം ചെയ്യും. 18 വരെ നീണ്ടു നിൽക്കുന്ന മേളയിൽ…
ബെംഗളൂരു: അവധിക്കാല യാത്രാതിരക്ക് പരിഗണിച്ച് ബെംഗളൂരുവിൽനിന്ന് കേരളത്തിലേക്കുള്ള യാത്രക്കാരുടെ തിരക്ക് കണക്കിലെടുത്ത് രണ്ട് സ്പെഷ്യല്‍ ട്രെയിനുകള്‍ അനുവദിച്ച് ദക്ഷിണ-പശ്ചിമ റെയിൽവേ.…
ന്യൂഡൽഹി: ലോക്സഭയിലെ ശൂന്യവേളയിൽ നമ്മ മെട്രോ നിരക്ക് വർധന ഉന്നയിച്ച് തേജസ്വി സൂര്യ എംപി. രാജ്യത്തെ ഏറ്റവും ഉയർന്ന ടിക്കറ്റ്…
ബെംഗളൂരു: നഗരത്തിലെ അപ്പാർട്മെന്റിലെ ചുമരിൽ ബോംബ് ഭീഷണി സന്ദേശം പ്രത്യക്ഷപ്പെട്ട സംഭവത്തിൽ പൊലീസ് അന്വേഷണം ആരംഭിച്ചു. കൊടിഗേഹള്ളിയിലെ ആൽഫൈൻ പിരമിഡ്…
കൊച്ചി: ഗുരുതര രോഗമുള്ളതോ അപകടം പറ്റിയതോ ആയ തെരുവുനായ്ക്കളെ ദയാവധത്തിന് വിധേയമാക്കാനുള്ള സർക്കാർ തീരുമാനം ഹൈക്കോടതി മരവിപ്പിച്ചു. പോരായ്മകൾ പരിഹരിക്കാൻ…
ഹൈദരാബാദ്: ഐഎസ്‌ആർഒയും നാസയും കൈകോർത്ത റഡാർ ഇമേജിങ് സ്റ്റാറ്റലൈറ്റ് നൈസാറിന്‍റെ (NISAR) വിക്ഷേപണം വിജയകരമായി പൂർത്തിയാക്കി. ശ്രീഹരിക്കോട്ടയിലെ സതീഷ് ധവാൻ ബഹിരാകാശ…