ബെംഗളൂരു: മലയാളം വാക്കുകളുടെ തമിഴ്, കന്നഡ, തെലുഗ് അര്‍ഥങ്ങള്‍ ലഭ്യമാകുന്ന ‘സമം’ (samam.net) ചതുര്‍ഭാഷ നിഘണ്ടുവിന്റെ ഓണ്‍ലൈന്‍ പതിപ്പ് പ്രകാശനം ഇന്ന് ഉച്ചയ്ക്ക് 2.30 ന് ഡോംലൂരിലെ ബാംഗ്ലൂര്‍ ഇന്റര്‍നാഷണല്‍ സെന്ററില്‍ നടക്കും. ഞാറ്റുവേല ശ്രീധരൻ തയ്യാറാക്കിയ പ്രശസ്തമായ ചതുർ ദ്രാവിഡഭാഷാ നിഘണ്ടുവിന് ഇന്‍ഡിക്ക് ഡിജിറ്റല്‍ തയ്യാറാക്കിയ ഓൺലൈൻ പതിപ്പാണ് പ്രകാശനം ചെയ്യുന്നത്. മലയാളം മിഷന്‍ കര്‍ണാടക ചാപ്റ്ററുമായി സഹകരിച്ച് നടത്തുന്ന പരിപാടിയില്‍ ഇ. കെ. കുറുപ്പ് രചിച്ച ഇംഗ്ലീഷ് – മലയാളം പദസഞ്ചയം (തിസോറസ്) ഓളം നിഘണ്ടുവില്‍ ഉള്‍ക്കൊള്ളിക്കുന്നതിന്റെ പ്രഖ്യാപനവും നടത്തും. ഇന്‍ഡിക്ക് ഫൗണ്ടേഷനും മലയാളം മിഷന്‍ കര്‍ണാടക ചാപ്റ്ററും സംയുക്തമായി നടത്തുന്ന പ്രൂഫ് റീഡിങ്ങ് പദ്ധതിയുടെ പ്രഖ്യാപനവും ചടങ്ങില്‍ ഉണ്ടാകും.
ഞാറ്റ്യേല ശ്രീധരന്‍, ഇ. കെ. കുറുപ്പ്, കേന്ദ്രസാഹിത്യ അക്കാദമി പുരസ്‌കാരം നേടിയ സുധാകരന്‍ രാമന്തളി, കെ.കെ. ഗംഗാധരന്‍, ഭാഷാ കമ്പ്യൂട്ടിംഗ് വിദഗ്ധനും മഹര്‍ഷി ഭദ്രയാന്‍ വ്യാസ് സമ്മാന്‍ പുരസ്‌കാര ജേതാവുമായ സന്തോഷ് തോട്ടിങ്ങല്‍, എഴുത്തുകാരന്‍ ഡോ. വിനോദ് ടി.പി, മലയാളം മിഷന്‍ കര്‍ണാടക ചാപ്റ്റര്‍ പ്രസിഡണ്ടും ഭാഷാമയൂരം പുരസ്‌കാര ജേതാവുമായ കെ. ദാമോധരന്‍, മലയാളം മിഷന്‍ കര്‍ണാടക ചാപ്റ്റര്‍ സെക്രട്ടറി ഹിത വേണുഗോപാല്‍, ഇന്‍ഡിക്ക് ഫൗണ്ടേഷന്‍ പ്രവര്‍ത്തകരായ ഷിജു അലക്‌സ്, ജിസ്സോ ജോസ്, കൈലാഷ്‌നാഥ് എന്നിവര്‍ ചടങ്ങില്‍ പങ്കെടുക്കും.
മലയാളം വാക്കുകളുടെ തമിഴ്, കന്നഡ, തെലുഗ് അര്‍ഥങ്ങള്‍ എളുപ്പത്തില്‍ ലഭിക്കും വിധത്തിലാണ് സമം രൂപപ്പെടുത്തിയിരിക്കുന്നത്. ബെംഗളൂരുവിലെ മലയാളികള്‍ക്ക് മറ്റു ദക്ഷിണേന്ത്യന്‍ ഭാഷകള്‍ സംസാരിക്കുന്നവരുമായുള്ള ആശയവിനിമയത്തിന് സഹായകരമാകുന്ന രീതിയിലാണ് സമം രൂപപ്പെടുത്തിയിരിക്കുന്നത്. ചതുര്‍ ദ്രാവിഡഭാഷാ നിഘണ്ടുവിന്റെ പുസ്തകരൂപം 2022-ല്‍ കേരള ഭാഷാ ഇന്‍സ്റ്റിറ്റ്യൂട്ട് പുറത്തിറക്കിയിരുന്നു. നിഘണ്ടുവിന്റെ കൈയെഴുത്തുപ്രതികള്‍ ഡിജിറ്റൈസ് ചെയ്തത് ഇന്‍ഡിക്ക് ഡിജിറ്റല്‍ ആര്‍ക്കൈവ് ഫൗണ്ടേഷന്റെ ‘ഗ്രന്ഥപ്പുര’ വെബ്സൈറ്റിലൂടെ റിലീസ് ചെയ്യും.
The post ‘സമം’ ചതുർഭാഷാ ഓൺലൈൻ നിഘണ്ടു പ്രകാശനം ഇന്ന് appeared first on News Bengaluru.
Powered by WPeMatico
ബെംഗളൂരു: നഗരത്തിലെ 75 ജംക്ഷനുകളിലെ ഗതാഗത കുരുക്കഴിക്കാനും സുരക്ഷിതമാക്കാനുമുള്ള പദ്ധതി ഉടൻ നടപ്പിലാക്കുമെന്ന് ബിബിഎംപി. തിരഞ്ഞെടുത്ത ജംക്ഷനുകളിലെ റോഡിന്റെ നിർമാണ…
തിരുവനന്തപുരം: കേരളത്തില്‍ കനത്ത മഴ തുടരുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇന്ന് എട്ട് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു.…
ബെംഗളൂരു: ലഹരി വിരുദ്ധ ബോധവൽക്കരത്തിനായി കോളജ് വിദ്യാർഥികളെ പങ്കെടുപ്പിച്ച് പ്രചാരണ പരിപാടിയുമായി ബെംഗളൂരു പോലീസ്. നാളെ കണ്ഠീരവ സ്റ്റേഡിയത്തിൽ നടക്കുന്ന…
ബെംഗളൂരു: നഗരത്തിൽ മഴക്കാലത്തിനു മുന്നോടിയായുള്ള അറ്റക്കുറ്റപ്പണികൾ നടക്കുന്നതിനാൽ വിവിധ ഇടങ്ങളിൽ ഇന്ന് വൈദ്യുതി മുടങ്ങും. രാവിലെ 10 മുതൽ വൈകുന്നേരം…
ഫ്ലോറിഡ: ആക്സിയം 4 വിക്ഷേപണം ഇന്ന് നടക്കും. അന്താരാഷ്ട്ര ബഹിരാകാശ നിലയത്തിലേക്കുള്ള ദൗത്യത്തിന്റെ വിക്ഷേപണം ഇന്ത്യൻ സമയം ഇന്ന് ഉച്ചയ്ക്ക്…
ബെംഗളൂരു: ബെംഗളൂരു കെഎസ്ആർ റെയിൽവേ സ്റ്റേഷനിൽ (എസ്ബിസി) നിന്ന് കേരളത്തിലേക്ക് യാത്ര പുറപ്പെടുന്ന രണ്ട് ട്രെയിനുകള്‍ ബൈയ്യപ്പനഹള്ളി സർ എം.വിശ്വേശ്വരയ്യ…