ബെംഗളൂരു : സി.പി.എം. കർണാടക സംസ്ഥാന കമ്മിറ്റിയിൽ അംഗമായി മലയാളിയും. കണ്ണൂർ കണ്ണാപുരം സ്വദേശിയും ബെംഗളൂരു ഐ.ടി. മേഖല സി.പി.എം. ലോക്കൽ കമ്മിറ്റിയായ സി.പി.എം. ഐ.ടി. ഫ്രണ്ടിന്റെ സെക്രട്ടറിയുമായ സൂരജ് നിടിയങ്ങയാണ് 23 അംഗ കമ്മിറ്റിയുടെ ഭാഗമായത്. നിലവില്‍ കർണാടക സ്റ്റേറ്റ് ഐ.ടി, ഐ.ടി.ഇ.എസ്. എംപ്ലോയീസ് യൂണിയൻ സെക്രട്ടറിയാണ്.
കർണാടകയിൽ ഐടി തൊഴിലാളികളുടെ ജോലി സമയം 14 മണിക്കൂറായി വർധിപ്പിക്കാനുള്ള സർക്കാർനീക്കം ഐടി ഫ്രണ്ട് നിരന്തര പ്രക്ഷോഭത്തിലൂടെ പരാജയപ്പെടുത്തിയിരുന്നു. കണ്ണൂർ ഗവ. എൻജിനിയറിങ് കോളേജിൽ പഠനം പൂർത്തിയാക്കിയശേഷം 2009ൽ ജോലിക്കായി ബെംഗളൂരുവിലെത്തിയ സൂരജ് ഐടി മേഖലയിലെ തൊഴിലാളികളെ സംഘടിപ്പിക്കുന്നതിൽ നിർണായക പ്രവർത്തനം നടത്തിയിട്ടുണ്ട്.
തുമകൂരുവിൽ സമാപിച്ച പാർട്ടിയുടെ 24-ാം സംസ്ഥാന സമ്മേളനത്തില്‍ ഡോ. കെ. പ്രകാശിനെ സി.പി.എം. കർണാടക സംസ്ഥാനസെക്രട്ടറിയായി തിരഞ്ഞെടുത്തു. നിലവിൽ സംസ്ഥാന സെക്രട്ടേറിയറ്റംഗമായിരുന്നു. നിലവിലെ സെക്രട്ടറി യു. ബസവരാജിനെ സംസ്ഥാന സെക്രട്ടേറിയറ്റിൽ ഉൾപ്പെടുത്തി. ജി.സി. ബയ്യാ റെഡ്ഡി, മീനാക്ഷീ സുന്ദരം, എസ്. വരലക്ഷ്മി, ഗോപാലകൃഷ്ണ ഹരളഹള്ളി, സയ്യിദ് മുജീബ്, യാദവഷെട്ടി, മുനി വെങ്കടപ്പ, കെ. നീല, കെ. മഹന്ദേഷ്, ചന്ദ്രപ്പ ഹൊസകെര എന്നിവരാണ് മറ്റ് സെക്രട്ടേറിയറ്റംഗങ്ങൾ.
<BR>
TAGS : CPM
SUMMARY : Malayali also in CPI(M) Karnataka State Committee
ആലപ്പുഴ: ആലപ്പുഴയില്‍ ദുരനുഭവങ്ങള്‍ കുറിച്ച നാലാം ക്ലാസുകാരിക്ക് നേരെ വീണ്ടും ആക്രമണം. കുട്ടിയുടെ പിതാവ് ഇന്നലെ വീട്ടില്‍ എത്തിയിരുന്നു. തൊട്ടടുത്ത…
തിരുവനന്തപുരം: ഗ്യാസ് സിലിണ്ടർ പൊട്ടിത്തെറിച്ച് ഹോട്ടലുടമയ്ക്ക് ദാരുണാന്ത്യം. നെടുമങ്ങാട് മാണിക്യപുരത്താണ് സംഭവം. ഹോട്ടലുടമയായ വിജയനാണ് മരിച്ചത്. ഇന്ന് രാവിലെ പതിനൊന്നുമണിയോടെയാണ്…
ബെംഗളൂരു: എം,ഡി.എം.എ വിതരണ ശൃംഖല തലവനടക്കം നാല് പേര്‍ മംഗളൂരുവില്‍ അറസ്റ്റിലായി. ഉഡുപ്പി ഉദ്യാവര സാമ്പിഗെ നഗർ സ്വദേശി ദേവരാജ്…
തൃശൂർ: തൃശ്ശൂരില്‍ കൃഷിയിടത്തില്‍ പൊട്ടി വീണ വൈദ്യുതി കമ്പിയില്‍ നിന്ന് ഷോക്കേറ്റ് വീട്ടമ്മയ്ക്ക് ദാരുണാന്ത്യം. ഒപ്പം ഉണ്ടായിരുന്ന ഭര്‍ത്താവിനും ഷോക്കേറ്റു.…
തിരുവനന്തപുരം: അമ്മ തിരഞ്ഞെടുപ്പുമായി ബന്ധപ്പെട്ട മെമ്മറി കാർഡ് വിവാദത്തില്‍ സൈബർ ആക്രമണം നേരിടുന്നെന്ന് കാട്ടി പരാതി നല്‍കി കുക്കു പരമേശ്വരൻ.…
ഡെറാഡൂണ്‍: ഉത്തരാഖണ്ഡിലുണ്ടായ മിന്നല്‍ പ്രളയത്തില്‍ കുടുങ്ങിയ 28 മലയാളികളെ എയർ ലിഫ്റ്റ് ചെയ്‌തതായി കേന്ദ്ര മന്ത്രി ജോർജ് കുര്യൻ. ഇവരെ…