ബെംഗളൂരു: ബെംഗളൂരുവിലെ ഭരണങ്ങാനം എന്നറിയപ്പെടുന്ന സുൽത്താൻ പാളയ സെന്റ് അൽഫോൻസാ ഫൊറോനാ ദേവാലയത്തിൽ തിരുനാൾ ആരംഭിച്ചു. ജൂലൈ 19 വെള്ളിയാഴ്ച മുതൽ 29 തിങ്കളാഴ്ച വരെയാണ് തിരുനാൾ ആഘോഷം. മണ്ഡ്യ രൂപത വികാരി ജനറാൾ റവ. ഫാദർ സണ്ണി മാത്യു കണ്ണംപടവിലിന്റെ നേതൃത്വത്തിൽ തിരുനാൾ കർമ്മങ്ങൾ ആരംഭിച്ചു.
21 ന് ഞായറാഴ്ച രാവിലെ 9 മണി മുതൽ ഇടവകയിലെ മാതൃവേദിയുടെ രജത ജൂബിലി ആഘോഷങ്ങൾക്ക് മാണ്ഡ്യ രൂപത ബിഷപ്പ് മാർ. സെബാസ്റ്റ്യൻ എടയന്ത്രത്ത് മുഖ്യകാർമികത്വം വഹിക്കും. പ്രധാന തിരുനാൾ ദിനമായ ജൂലൈ 28 ഞായറാഴ്ച രാവിലെ 9.00 മണിക്ക് ഭദ്രാവതി രൂപതാ അധ്യക്ഷൻ മാർ ജോസഫ് അരുമച്ചാടത്ത് തിരുകർമ്മങ്ങൾക്ക് നേതൃത്വം നൽകും. 29-ന് മരിച്ചവർക്ക് വേണ്ടിയുള്ള ദിവ്യബലിയോട് കൂടി തിരുനാൾ സമാപിക്കും.
<BR>
TAGS : RELIGIOUS,
SUMMARY : The flag was hoisted at St. Alphonsa Forona Church in Sultan Palaya for the festival
