ഐ.എ.എസ്. ഉദ്യോഗസ്ഥയായ ദിവ്യ എസ്. അയ്യര് മുന് മന്ത്രി കെ.രാധാകൃഷ്ണനെ ആശ്ലേഷിക്കുന്ന ചിത്രം സാമൂഹികമാധ്യമങ്ങളില് വൈറലായിരുന്നു. മന്ത്രിസ്ഥാനം രാജിവെച്ചശേഷം കെ. രാധാകൃഷ്ണനെ സന്ദര്ശിച്ച ദിവ്യ എസ്.അയ്യര് ഇന്സ്റ്റഗ്രാമില് ഒരു ഓര്മക്കുറിപ്പ് പോസ്റ്റ് ചെയ്തിരുന്നു. ഇതിനൊപ്പമാണ് മന്ത്രിയായിരിക്കുന്ന സമയത്ത് രാധാകൃഷ്ണനൊപ്പമെടുത്ത ചിത്രങ്ങളും പങ്കുവെച്ചത്.
ഇതില് ദിവ്യ എസ്.അയ്യര് കെ.രാധാകൃഷ്ണനെ ആശ്ലേഷിക്കുന്ന ചിത്രമാണ് സാമൂഹികമാധ്യമങ്ങളില് വൈറലായത്. എന്നാല് കെ. രാധാകൃഷ്ണനെ ആലിംഗനം ചെയ്തതില് ജാതി ചിന്ത കലർത്തിയത് വേദനിപ്പിച്ചെന്നും സ്നേഹത്തിന് പ്രോട്ടോക്കോള് ഇല്ലെന്നും ദിവ്യ.എസ്.അയ്യർ പറഞ്ഞു.
സ്നേഹം പ്രകടിപ്പിക്കുന്നതിന് പ്രോട്ടോക്കോള് ഉണ്ടാകില്ല. ഹൃദയത്തിന്റെ ഭാഷയിലാണ് മുന് മന്ത്രി കെ രാധാകൃഷ്ണനെ ആലിംഗനം ചെയ്തത്. അതില് ജാതീയ ചിന്ത കലര്ത്തിയത് വേദനിപ്പിച്ചു. അപക്വമായ മനസിന് ഉടമകളായിട്ടുള്ളവരാണ് അത്തരത്തില് ജാതീയ ചിന്തകള് കലര്ത്തിയത്. പലരുടെയും അപക്വമായ ചിന്തകള് വിഷയത്തെ സങ്കീര്ണമാക്കി. ജാതീയമായ പരാമര്ശങ്ങള് വേദനിപ്പിച്ചു. ജീവിതത്തില് ഇന്ന് വരെ ജാതി നോക്കി ജീവിച്ചിട്ടില്ലെന്നും ദിവ്യ എസ് അയ്യര് പറഞ്ഞു.
ചിത്രം വൈറലായതിന് പിന്നാലെ ദിവ്യ എസ്.അയ്യരുടെ ഭര്ത്താവും കോണ്ഗ്രസ് നേതാവുമായ കെ.എസ്. ശബരീനാഥനും ഇതുസംബന്ധിച്ച പോസ്റ്റിട്ടിരുന്നു.
“ശ്രീ കെ രാധാകൃഷ്ണന് മന്ത്രിസ്ഥാനം രാജിവച്ചതിനുശേഷം ദിവ്യ അദ്ദേഹത്തെ വീട്ടില് കാണാന് പോയിരുന്നു. അതിനുശേഷം ഇന്സ്റ്റാഗ്രാമില് ഒരു ഓര്മ്മകുറിപ്പിനോടൊപ്പം അന്നത്തെ ഫോട്ടോയും പഴയ രണ്ടു ഫോട്ടോയും പങ്കുവച്ചു. അതില് ഒരുഫോട്ടോ ഇപ്പോള് പത്രങ്ങളിലും സോഷ്യല് മീഡിയയിലും സജീവ ചര്ച്ചയാണ്.
സംസ്ഥാന മന്ത്രിയായിരുന്ന ഘട്ടത്തില് ശ്രീ കെ.രാധാകൃഷ്ണന് ഔദ്യോഗിക പ്രോഗ്രാമിന് ശേഷം പത്തനംതിട്ട കളക്ടറുടെ വസതിയില് സന്ദര്ശനം നടത്തിയ ദിവസം എടുത്ത ഫോട്ടോയാണ് വൈറലായത്. അന്ന് അദ്ദേഹം ഞങ്ങളോടൊപ്പം കുറച്ചു സമയം ചിലവഴിച്ചു രാത്രിഭക്ഷണവും കഴിഞ്ഞാണ് തിരികെപോയത്.
ഏറെ ബഹുമാനിക്കുന്ന ഇഷ്ടപ്പെടുന്ന ഒരു വ്യക്തിയെ മറ്റൊരാള് ആലിംഗനം ചെയ്ത ഒരു ചിത്രം സ്ത്രീ-പുരുഷ സമസ്യയില് ഇപ്പോള് പോസിറ്റീവായി ചര്ച്ചചെയ്യപ്പെടുന്നതില് സന്തോഷമുണ്ട്. നെഗറ്റീവ് കമന്റ്സും മറ്റു അപ്രസക്തവാദങ്ങളും നോക്കാതിരുന്നാൽ മതി, അപ്പോള് ഹാപ്പി സണ്ഡേ!”- ശബരീനാഥന് ഫേസ്ബുക്കില് കുറിച്ചു.
TAGS: KERALA| DIVYA S IYER| K RADHAKRISHNAN|
SUMMARY: Love has no protocol, the ex-minister was embraced in the language of the heart; Divya S Iyer
കോഴിക്കോട്: ദേശീയപാതയുടെ മതില് നിര്മാണത്തിനിടെ അപകടം. കോഴിക്കോട് കൊയിലാണ്ടിയില് തിരുവങ്ങൂര് അടിപ്പാതയ്ക്ക് സമീപമാണ് അപകടമുണ്ടായത്. ദേശീയപാത നിര്മാണത്തിന്റെ ഭാഗമായി കോണ്ക്രീറ്റ്…
കാബൂൾ : അഫ്ഗാനിസ്ഥാനില് കനത്ത മഴയിലും മിന്നല് പ്രളയത്തിലും 17 മരണം. നിരവധി പേര്ക്ക് പരുക്കേറ്റു. ഹെറാത്ത് പ്രവിശ്യയിലെ കബ്കാൻ…
കോട്ടയം: മധ്യ ലഹരിയില് സീരിയല് താരം സിദ്ധാര്ത്ഥ് ഓടിച്ച വാഹനമിടിച്ചു ഒരാള് മരിച്ച സംഭവത്തില് താരത്തിനെതിരെ കൂടുതല് വകുപ്പുകള് ചുമത്തി…
തിരുവനന്തപുരം: ശബരിമല സ്വർണ്ണക്കൊള്ള, ജാമ്യത്തിനായി ദേവസ്വം ബോര്ഡ് മുന് പ്രസിഡന്റ് എന്.വാസു സുപ്രീംകോടതിയെ സമീപിച്ചു. അന്വേഷണവും ആയി പൂർണ്ണമായി സഹകരിച്ചെന്ന്…
കോഴിക്കോട്: താമരശ്ശേരി ചുരത്തിൽ വൻ ഗതാഗതക്കുരുക്ക്. ചുരം കയറാനായുള്ള വാഹനങ്ങളുടെ നീണ്ട നിര അടിവാരം പിന്നിട്ടു. ചുരത്തിന്റെ മുകള്ഭാഗം മുതല്…
തിരുവനന്തപുരം: പുതുവത്സരാഘോഷത്തില് മദ്യത്തിനായി മലയാളി ചെലവഴിച്ചത് 125.64 കോടി രൂപ. പുതുവര്ഷ തലേന്ന് ഔട്ട്ലെറ്റുകളിലും വെയര്ഹൗസുകളിലുമായി 125 കോടിയിലധികം രൂപയുടെ…