സ്വർണം കൈകാര്യം ചെയ്യാൻ പഠിച്ചത് യൂട്യൂബ് വീഡിയോകൾ കണ്ട്; വെളിപ്പെടുത്തി രന്യ റാവു

ബെംഗളൂരു: നടി രന്യറാവു ഉൾപ്പെട്ട സ്വർണക്കടത്ത് കേസിൽ കൂടുതൽ വിവരങ്ങൾ പുറത്ത്. താൻ ആദ്യമായാണ് ദുബായിൽ നിന്ന് സ്വർണം കടത്തുന്നതെന്ന് അന്വേഷണ സംഘത്തോട് രന്യ പറഞ്ഞു. യൂട്യൂബ് വീഡിയോകൾ നോക്കിയാണ് സ്വർണം ഒളിപ്പിക്കുന്നത് പഠിച്ചതെന്നും ചോദ്യം ചെയ്യലിനിടെ നടി വെളിപ്പെടുത്തി. ഡയറക്ട്രേറ്റ് ഒഫ് റവന്യു ഇന്റലിജെൻസിന്റെ (ഡിആർഐ) കസ്റ്റഡിയിലാണ് രന്യ.

തനിക്ക് സ്വർണം തന്നത് ആരാണെന്ന് അറിയില്ല. എന്നാൽ ഫോൺ വഴിയുള്ള നിർദേശപ്രകാരമാണ് താൻ സ്വർണക്കടത്ത് നടത്തിയതെന്നും നടി മൊഴി നൽകിയിട്ടുണ്ട്. ശരീരത്തിൽ കെട്ടിവച്ച രീതിയിൽ ഏകദേശം 12.56 കോടി രൂപ വിലമതിക്കുന്ന 14.2 കിലോഗ്രാം സ്വർണം കടത്താൻ ശ്രമിക്കുന്നതിനിടെയാണ് ബെംഗളൂരു വിമാനത്താവളത്തിൽ നടി പിടിയിലാവുന്നത്. കേസിൽ തുടർ അന്വേഷണം പുരോഗമിക്കുകയാണെന്ന് അന്വേഷണ സംഘം പറഞ്ഞു.

TAGS: BENGALURU
SUMMARY: Youtube videos taught me to smuggle gold, says ranya