ബെംഗളൂരു: സ്വർണക്കടത്ത് കേസിൽ അറസ്റ്റിലായ കന്നഡ നടി രന്യ റാവുവിന്റെ ജാമ്യാപേക്ഷ മാർച്ച് 19ന് പരിഗണിക്കും. സെഷൻസ് 64-ാം കോടതിയാണ് ഹർജിയിൽ വാദം കേൾക്കുക. വാദം കേൾക്കുന്നതിന് മുമ്പ് ഡയറക്ടറേറ്റ് ഓഫ് റവന്യൂ ഇന്റലിജൻസ് (ഡിആർഐ), രന്യയുടെ ഹർജിക്കെതിരെ എതിർപ്പുകൾ സമർപ്പിക്കാൻ കോടതി നിർദ്ദേശിച്ചു. എതിർപ്പുകൾ സമർപ്പിച്ചതിന് ശേഷം തുടർ നടപടികളിലേക്ക് കോടതി കടക്കും.
സാമ്പത്തിക കുറ്റകൃത്യങ്ങൾക്കായുള്ള പ്രത്യേക കോടതി കഴിഞ്ഞ ആഴ്ച റാവുവിന്റെ മുൻ ജാമ്യാപേക്ഷ നിരസിച്ചിരുന്നു. ഇതേതുടർന്നാണ് രന്യ സെഷൻസ് കോടതിയിൽ ജാമ്യഹർജി നൽകിയത്. അന്വേഷണവുമായി ബന്ധപ്പെട്ട് റാവുവിന്റെ ഭർത്താവ് ജതിൻ വിജയകുമാർ ഹുക്കേരിയെ ഡിആർഐ അറസ്റ്റ് ചെയ്യരുതെന്ന് കർണാടക ഹൈക്കോടതി ഉത്തരവിട്ടു. അതേസമയം, കേസിലെ രണ്ടാം പ്രതിയായ ഹോട്ടൽ വ്യവസായി തരുൺ രാജുവിനെ 15 ദിവസത്തേക്ക് ജുഡീഷ്യൽ കസ്റ്റഡിയിൽ വിട്ടു. സ്വർണക്കടത്ത് പ്രവർത്തനം സുഗമമാക്കുന്നതിൽ രാജു നിർണായക പങ്ക് വഹിച്ചതായി ഡിആർഐ ഉദ്യോഗസ്ഥർ കണ്ടെത്തിയിരുന്നു.
രന്യ നിലവിൽ പരപ്പന അഗ്രഹാര ജയിലിലാണ്. മാർച്ച് 3ന് ബെംഗളൂരുവിലെ കെംപെഗൗഡ അന്താരാഷ്ട്ര വിമാനത്താവളത്തിൽ വെച്ച് 12.56 കോടി രൂപ വിലമതിക്കുന്ന 14.2 കിലോഗ്രാം സ്വർണവുമായാണ് രന്യ പിടിയിലാകുന്നത്. അറസ്റ്റിനുശേഷം, ഇവരുടെ വീട്ടിൽ നടത്തിയ റെയ്ഡിൽ 2.06 കോടി രൂപ വിലമതിക്കുന്ന സ്വർണ്ണാഭരണങ്ങളും 2.67 കോടി രൂപയുടെ പണവും കണ്ടെടുത്തു. വലിയൊരു കള്ളക്കടത്ത് ശൃംഖലയുടെ ഭാഗമായിരുന്നു നടിയെന്ന് അടുത്തിടെ ഡിആർഐ ഉദ്യോഗസ്ഥർ വെളിപ്പെടുത്തിയിരുന്നു.
TAGS: GOLD SMUGGLING
SUMMARY: Actress Ranya Raos bail plea to be heard on 19
നിലമ്പൂര്‍: വോട്ടെണ്ണലിനു മണിക്കൂറുകൾ മാത്രം ശേഷിക്കെ യുഡിഎഫ് ക്രോസ് വോട്ട് ചെയ്തുവെന്ന ആരോപണവുമായി പി.വി. അൻവർ. തനിക്ക് ലഭിക്കേണ്ടിയിരുന്ന പതിനായിരത്തോളം…
ടെഹ്റാൻ: ആണവകേന്ദ്രങ്ങളിലെ അമേരിക്കൻ ആക്രമണത്തിന് പിന്നാലെ ഇറാൻ വിദേശകാര്യമന്ത്രി അബ്ബാസ് അരാഗ്ചി റഷ്യയിലേക്ക്. റഷ്യൻ പ്രസിഡന്റ് വ്ലാഡിമിർ പുട്ടിനുമായി തിങ്കളാഴ്ച…
പാലക്കാട്: കപ്പൂര്‍ വട്ടകുന്നിൽ ബൈക്കിൽ വന്ന യുവതിയെയും യുവാവിനെയും സദാചാര പോലീസ് ചമഞ്ഞ് ചോദ്യം ചെയ്തു മർദിച്ചസംഭവത്തില്‍ രണ്ടു പേർ…
ടെഹ്റാന്‍: പശ്ചിമേഷ്യയിലെ സംഘര്‍ഷം പുതിയതലത്തിലേക്ക് മാറുന്നു. ലോകത്തിലെ ഏറ്റവും നിര്‍ണായകമായ എണ്ണ ഇടനാഴിയായ ഹോര്‍മുസ് കടലിടുക്ക് അടക്കാന്‍ അടിയന്തരമായി ചേര്‍ന്ന…
കൊച്ചി: നിലമ്പൂരിലെ എല്‍ഡിഎഫ് സ്ഥാനാര്‍ത്ഥി എം സ്വരാജിനെ അനുകൂലിച്ച് ഫേസ്ബുക്കില്‍ പോസ്റ്റിട്ട എഴുത്തുകാരി ഹണി ഭാസ്‌കറിന് നേരെ അസഭ്യപ്രയോഗം നടത്തിയയാള്‍…
തിരുവനന്തപുരം: നാളെ സംസ്ഥാന വ്യാപകമായി വിദ്യാഭ്യാസ ബന്ദ് പ്രഖ്യാപിച്ച് എബിവിപി. സംസ്ഥാന സർക്കാർ പിഎം ശ്രീ പദ്ധതിയിൽ ഒപ്പ് വെക്കണമെന്ന്…