സ്വർണ വിലയിൽ വീണ്ടും വർധനവ്

കേരളത്തിൽ ഇന്ന് സ്വർണവില കൂടി. ഒരു പവൻ സ്വർണത്തിന് 320 രൂപയുടെ വർധനവാണ് ഉണ്ടായത്. ഇതോടെ ഒരു പവൻ സ്വർണത്തിന് 53,720 രൂപ നല്‍കേണ്ടിവരും. ഒരു ഗ്രാം സ്വർണത്തിന്റെ ഇന്നത്തെ വില 7,028 രൂപയായി.

കഴിഞ്ഞ ദിവസം ഒരു പവൻ സ്വർണത്തിന്റെ വിലയില്‍ കുറവ് സംഭവിച്ചിരുന്നു. അന്നത്തെ ഒരു പവൻ സ്വർണത്തിന്റെ വില 53,400 രൂപയായിരുന്നു. ഈ മാസത്തെ ഏറ്റവും ഉയർന്ന സ്വർണനിരക്ക് രേഖപ്പെടുത്തിയത് മേയ് പത്തിനായിരുന്നു. അന്ന് ഒരു പവൻ സ്വർണത്തിന്റെ വില 54,040 രൂപയായിരുന്നു.

കഴിഞ്ഞ മാസത്തിന്റെ ആരംഭത്തോടെയാണ് ഒരു പവൻ സ്വർണത്തിന്റെ വില അര ലക്ഷത്തിന് മുകളില്‍ കടന്നത്. അതേസമയം, സംസ്ഥാനത്തെ വെളളിവിലയിലും നേരിയ വർധനവ് ഉണ്ടായിട്ടുണ്ട്. ഒരു ഗ്രാം വെളളിയുടെ ഇന്നത്തെ വില 91 രൂപയാണ്. പത്ത് ഗ്രാം വെളളിയുടെ വില 9,100 രൂപയും ഒരു കിലോഗ്രാം വെളളിയുടെ വില 91,000 രൂപയുമായി