ബെംഗളൂരു: സോണൽ തലത്തിൽ സൗജന്യ ഡെന്റൽ ക്ലിനിക്കുകൾ ആരംഭിക്കാനൊരുങ്ങി ബിബിഎംപി. എട്ട് സോണുകളിലായി ഓരോ ഡെന്റൽ ക്ലിനിക് വീതം ആരംഭിക്കാനാണ് പദ്ധതി.
പരീക്ഷണാടിസ്ഥാനത്തിൽ ഡെൻ്റൽ ക്ലിനിക്കുകൾ തുറക്കുന്നതിനുള്ള നിർദേശം ബിബിഎംപി തയ്യാറാക്കിയിട്ടുണ്ട്. ദന്തസംബന്ധമായ പ്രശ്‌നങ്ങളാൽ ബുദ്ധിമുട്ടുന്ന പാവപ്പെട്ടവരുടെ ക്ഷേമത്തിനായാണിത്. ഡെൻ്റൽ ക്ലിനിക്കുകൾ തുറക്കേണ്ടതിൻ്റെ ആവശ്യകതയെക്കുറിച്ച് പ്രത്യേക ബോധവത്കരണം നടത്തുമെന്നും ബിബിഎംപി ചീഫ് ഹെൽത്ത് ഓഫീസർ ഡോ. സയ്യിദ് സിറാജുദ്ദീൻ മദീനി പറഞ്ഞു.
സർക്കാർ ആശുപത്രികൾക്ക് തുല്യമായി ദന്തസംബന്ധമായ പ്രശ്‌നങ്ങളുള്ളവർക്ക് സൗജന്യ ദന്തചികിത്സ ലഭ്യമാക്കുമെന്ന് ചീഫ് ഹെൽത്ത് ഓഫീസർ അറിയിച്ചു. ക്ലിനിക്കുകളിൽ ദന്തഡോക്ടർമാരുടെ സേവനം ലഭ്യമാക്കുന്നതിനായി ഡെൻ്റൽ കോളേജുകളുമായി ചർച്ച നടത്തിവരികയാണ്. പ്രാഥമികാരോഗ്യ കേന്ദ്രങ്ങളിൽ ഫിസിയോതെറാപ്പി സൗകര്യം വേണമെന്നും നിർദേശമുണ്ട്. ഓരോ അസംബ്ലി നിയോജക മണ്ഡലത്തിലും ഒരു ഡെൻ്റൽ ക്ലിനിക്കും ഫിസിയോതെറാപ്പി സൗകര്യവും തുറക്കാനും പദ്ധതിയുണ്ട്.
എന്നാൽ ബിബിഎംപി ചീഫ് കമ്മീഷണറുടെ അനുമതി ലഭിച്ചതിന് ശേഷം മാത്രമേ അന്തിമ തീരുമാനമെടുക്കൂവെന്ന് ചീഫ് ഹെൽത്ത് ഓഫീസർ പറഞ്ഞു. നഗരത്തിലെ ആരോഗ്യ അടിസ്ഥാന സൗകര്യങ്ങൾ മെച്ചപ്പെടുത്തുന്നതിന് ബിബിഎംപി 275 കോടി രൂപ അനുവദിച്ചു.
പുതിയ സൗകര്യങ്ങൾ സ്ഥാപിക്കുന്നതിന് ഈ ഫണ്ട് വിനിയോഗിക്കും. ബിബിഎംപി ചീഫ് കമ്മീഷണറുടെ അനുമതി ലഭിച്ചാലുടൻ ഡെൻ്റൽ ക്ലിനിക്കുകളും ഫിസിയോതെറാപ്പി സൗകര്യങ്ങളും ആരംഭിക്കുമെന്ന് ബിബിഎംപി സ്‌പെഷ്യൽ കമ്മീഷണർ (ആരോഗ്യം) സുരാൽകർ വികാസ് കിഷോർ പറഞ്ഞു.
തിരുവനന്തപുരം:സംസ്ഥാനത്ത് അതിതീവ്രമഴയിൽ ജാഗ്രത പാലിക്കണമെന്ന് കെ.എസ്.ഇ.ബി കാറ്റും മഴയും ശക്തമായതിനാല്‍ മരക്കൊമ്പുകള്‍ വീണോ മറ്റോ വൈദ്യുതിക്കമ്പികള്‍ പൊട്ടാനോ ചാഞ്ഞുകിടക്കാനോ സാധ്യതയുണ്ടെന്നും…
ന്യൂഡല്‍ഹി: വോട്ടര്‍ പട്ടിക സുതാര്യമാക്കാനുള്ള എല്ലാ നിര്‍ദേശങ്ങളും സ്വാഗതം ചെയ്യുന്നതായി -തിരഞ്ഞെടുപ്പ് കമ്മീഷൻ. വോട്ടർ പട്ടിക രാഷ്ട്രീയ പാർട്ടികൾക്ക് നൽകിയിരുന്നുവെന്നും…
ന്യൂഡല്‍ഹി: മണിപ്പൂർ ഗവർണർക്ക് നാഗാലാൻഡ് ഗവർണറുടെ അധിക ചുമതല നല്‍കി. മണിപ്പൂർ ഗവർണർ അജയ് കുമാർ ഭല്ലയ്ക്കാണ് അധിക ചുമതല…
ന്യൂഡൽഹി: കർണാടകയിലെ ബെളഗാവിയിൽ നിന്ന് മുംബൈയിലേക്ക് പറന്ന വിമാനം ഇന്ധനച്ചോർച്ചയെ തുടർന്ന് തിരിച്ചിറക്കി. 41 പേരുമായി പറന്നുയർന്ന സ്റ്റാർ എയർലൈൻസിൻ്റെ…
ബെംഗളൂരു: ബെംഗളൂരു നഗരത്പേട്ടയിലെ കെട്ടിടത്തിലുണ്ടായ തീപിടുത്തത്തില്‍ ഒരു കുടുംബത്തിലെ നാലു പേരടക്കം അഞ്ച് പേർ മരിച്ചതായി സ്ഥിരീകരണം. രാജസ്ഥാൻ സ്വദേശികളായ…
പത്തനംതിട്ട: ചിറ്റയം ഗോപകുമാറിനെ സിപിഐ പത്തനംതിട്ട ജില്ലാ സെക്രട്ടറിയായി തിരഞ്ഞെടുത്തു. വിഭാഗീയത രൂക്ഷമായതിന് പിന്നാലെ സമവായം എന്ന നിലയ്ക്കാണ് ചിറ്റയം…