തിരുവനന്തപുരം: കേരളത്തില് കോവിഡ് വര്ധിക്കാന് സാധ്യതയുള്ളതിനാല് ജാഗ്രത പാലിക്കണമെന്ന് ആരോഗ്യ വകുപ്പ് മന്ത്രി വീണാ ജോര്ജ്. പശ്ചിമേഷ്യന് രാജ്യങ്ങളില് കോവിഡ് കേസുകള് വലിയ തോതില് റിപ്പോര്ട്ട് ചെയ്യുന്ന സാഹചര്യത്തിലാണ് ആരോഗ്യവകുപ്പിന്റെ മുന്നറിയിപ്പ്. ദക്ഷിണ പൂര്വേഷ്യന് രാജ്യങ്ങളില് പകരുന്ന ഒമിക്രോണ് ജെഎന് 1 വകഭേദങ്ങളായ എല്എഫ് 7, എന്ബി 1.8 എന്നിവയ്ക്ക് രോഗവ്യാപന ശേഷി കൂടുതലാണ്. എന്നാല് തീവ്രത കൂടുതലല്ല. സ്വയം പ്രതിരോധം പ്രധാനമാണെന്നും മന്ത്രി പറഞ്ഞു.
ജലദോഷം, തൊണ്ടവേദന, ചുമ, ശ്വാസതടസം തുടങ്ങിയ രോഗലക്ഷണങ്ങള് ഉള്ളവര് നിര്ബന്ധമായും മാസ്ക് ധരിക്കണം. പ്രായമായവരും, ഗര്ഭിണികളും ഗുരുതര രോഗമുള്ളവരും പൊതുയിടങ്ങളിലും യാത്രകളിലും മാസ്ക് ധരിക്കുന്നത് അഭികാമ്യമാണ്. ആശുപത്രികളില് മാസ്ക് നിര്ബന്ധമാണ്. ആരോഗ്യ പ്രവര്ത്തകര് മാസ്ക് നിര്ബന്ധമായും ധരിക്കണം. അനാവശ്യ ആശുപത്രി സന്ദര്ശനം ഒഴിവാക്കണം. ഇടയ്ക്കിടയ്ക്ക് സോപ്പ് ഉപയോഗിച്ച് കൈ കഴുകുന്നത് നല്ലതാണ്. എവിടെയാണോ ചികിത്സിക്കുന്നത് ആ ആശുപത്രിയില് തന്നെ പ്രോട്ടോകോള് പാലിച്ച് ചികിത്സ ഉറപ്പാക്കണം. ചില സ്വകാര്യ ആശുപത്രികള് കോവിഡ് ആണെന്ന് കാണുമ്പോള് റഫര് ചെയ്യുന്നത് ശരിയല്ലയെന്നും മന്ത്രി പറഞ്ഞു.
സ്റ്റേറ്റ് ലെവല് റാപ്പിഡ് റെസ്പോണ്സ് ടീം (ആര്ആര്ടി) യോഗം ചേര്ന്ന് സംസ്ഥാനത്തെ പൊതു സാഹചര്യം വിലയിരുത്തി. 182 കോവിഡ് കേസുകളാണ് മേയ് മാസത്തില് സംസ്ഥാനത്ത് റിപ്പോര്ട്ട് ചെയ്തിട്ടുള്ളത്. കോട്ടയം ജില്ലയില് 57 കേസുകളും എറണാകുളത്ത് 34 കേസുകളും തിരുവനന്തപുരത്ത് 30 കേസുകളും റിപ്പോര്ട്ട് ചെയ്തിട്ടുണ്ട്. സംസ്ഥാനത്ത് രോഗലക്ഷണമുള്ളവര്ക്ക് കോവിഡ് പരിശോധന നടത്താന് നിര്ദേശം നല്കിയിട്ടുണ്ട്. ആര്ടിപിസിആര് കിറ്റുകളും മറ്റ് സുരക്ഷാ ഉപകരണങ്ങളും ഉറപ്പാക്കാനും നിര്ദേശം നല്കി.
നിപ പ്രതിരോധ പ്രവര്ത്തനം പ്രത്യേകമായി യോഗം ചര്ച്ച ചെയ്തു. പ്രോട്ടോകോള് പാലിച്ച് കണ്ട്രോള് റൂം പ്രവര്ത്തനങ്ങള് തുടരാന് നിര്ദേശം നല്കി. രോഗവ്യാപനം ഇല്ലാത്തതിനാലും കണ്ടൈന്മെന്റ് സോണ് പിന്വലിക്കാവുന്നതാണെന്ന് യോഗം വിലയിരുത്തി.
<BR>
TAGS : COVID CASES
SUMMARY : 182 Covid cases in the state this month; Health Minister urges caution
ന്യൂഡൽഹി: ഇന്ത്യൻ റെയിൽവേയുടെ ചരിത്രത്തിലെ പുതിയൊരു നാഴികക്കല്ലിന് തുടക്കമിട്ട് രാജ്യത്തെ ആദ്യത്തെ വന്ദേ ഭാരത് സ്ലീപ്പർ ട്രെയിനിന്റെ റൂട്ട് പ്രഖ്യാപിച്ചു.…
ന്യൂഡൽഹി: അടുത്ത വർഷം മുതല് രാജ്യത്ത് ബുള്ളറ്റ് ട്രെയിനുകള് ഓടിത്തുടങ്ങും. 2027 ലെ സ്വാതന്ത്ര്യ ദിനത്തില് ബുള്ളറ്റ് ട്രെയിൻ ആരംഭിക്കുമെന്ന്…
കണ്ണൂർ: മട്ടന്നൂർ പാലയോട് വീടിന്റെ വാതില് തകർത്തു അകത്തു കടന്നു പത്ത് പവൻ സ്വർണാഭരണങ്ങളും 10,000 രൂപയും കവർന്ന പ്രതി…
ഡല്ഹി: ഏഴ് വിലകൂടിയ ബിഎംഡബ്ല്യു കാറുകള് വാങ്ങാനുള്ള വിവാദ ഉത്തരവ് ലോക്പാല് ഓഫ് ഇന്ത്യ റദ്ദാക്കി. 'ഭരണപരമായ കാരണങ്ങളാലും പ്രശ്നങ്ങളാലും'…
കല്പ്പറ്റ: വയനാട് സുല്ത്താന് ബത്തേരി നൂല്പ്പുഴയില് കാട്ടാനയുടെ ആക്രമണത്തില് യുവാവിന് ഗുരുത പരുക്ക്. നൂല്പ്പുഴ കുമഴി വനഗ്രാമത്തിലെ ചുക്കാലിക്കുനി കാട്ടുനായ്ക്ക…
ബോണ്: സ്വിറ്റ്സര്ലാന്ഡിലെ റിസോര്ട്ടില് പുതുവത്സര ആഘോഷത്തിനിടെയുണ്ടായ സ്ഫോടനത്തില് മരണസംഖ്യ ഉയരുന്നു. പത്തിലധികം പേര് കൊല്ലപ്പെട്ടതായി റിപ്പോര്ട്ട്. നൂറോളം പേര്ക്ക് പരുക്കേറ്റു.…