സംസ്ഥാനങ്ങള്ക്ക് 400, സ്വകാര്യ ആശുപത്രികള്ക്ക് 600; കോവിഷീല്ഡ് വാക്സിന്റെ വില പ്രഖ്യാപിച്ച് സെറം ഇന്സ്റ്റിറ്റ്യൂട്ട്
ന്യൂഡല്ഹി: കോവിഡ് പ്രതിരോധ വാക്സിനായ കോവിഷീല്ഡിന്റെ വില സെറം ഇന്സ്റ്റിറ്റ്യൂട്ട് പ്രഖ്യാപിച്ചു. കോവിഷീല്ഡ് ലഭിക്കാന് സംസ്ഥാനങ്ങള് ഒരു ഡോസ് കോവിഷീല്ഡ് വാക്സിന് 400 രൂപ നല്കണം. സ്വകാര്യ സ്ഥാപനങ്ങള് ഒരു ഡോസിന് 600 രൂപയും നല്കണം. നേരത്തെ കേന്ദ്ര സര്ക്കാരിന് 150 രൂപ നിരക്കില് നല്കിയ വാക്സിനാണ് കോവിഷീല്ഡ്.
കേന്ദ്രസര്ക്കാരിന് തുടര്ന്നും 150 രൂപയ്ക്ക് സെറം ഇന്സ്റ്റിറ്റ്യൂട്ട് വാക്സിന് നല്കും. പുതിയ വാക്സിന് പോളിസി അനുസരിച്ച് വാക്സിന് ഡോസുകളുടെ 50 ശതമാനം കേന്ദ്രസര്ക്കാരിനും ബാക്കിയുള്ള 50 ശതമാനം സംസ്ഥാനങ്ങള്ക്കും സ്വകാര്യ ആശുപത്രികള്ക്കും നല്കും.
അടുത്ത രണ്ട് മാസത്തിനുള്ളില് കമ്പനി കൂടുതല് വാക്സിന് നിര്മിച്ച് വിതരണം ചെയ്യുമെന്ന് സെറം ഇന്സ്റ്റിറ്റ്യൂട്ട് സിഇഒ അഡര് പൂനവാല വാര്ത്താക്കുറിപ്പില് പറഞ്ഞു.
അമേരിക്കന് നിര്മിത വാക്സിനുകള് വില്ക്കുന്നത് 1500 രൂപയ്ക്കാണെന്നും റഷ്യന് നിര്മ്മിത വാക്സിനും ചൈനീസ് നിര്മിത വാക്സിനും 750 രൂപക്കാണ് വില്ക്കുന്നതെന്നും വാര്ത്ത കുറിപ്പില് ചൂണ്ടിക്കാട്ടി.
നിലവില് സര്ക്കാര് ആശുപത്രികളില് കോവിഷീല്ഡ് വാക്സിന് സൗജന്യമാണ്. സ്വകാര്യ ആശുപത്രികളില് ഒരു ഡോസിന് 250 രൂപയാണ് ഈടാക്കുന്നത്. നിലവില് 45 വയസിന് മുകളിലുള്ളവര്ക്കാണ് വാക്സിന് നല്കുന്നത്. മെയ് ഒന്നുമുതല് 18 വയസിന് മുകളിലുള്ള എല്ലാവര്ക്കും വാക്സിന് നല്കുമെന്നാണ് കഴിഞ്ഞ ദിവസം കേന്ദ്രത്തിന്റെ പ്രഖ്യാപനം. ഇതോടൊപ്പം വാക്സിന് സ്വന്തം നിലയില് വില നിര്ണയിക്കാനും കേന്ദ്ര സര്ക്കാര് മരുന്ന് കമ്പനികള്ക്ക് അനുമതിയും നല്കിയിട്ടുണ്ട്.
അതേസമയം വാക്സിനേഷന് വില നിശ്ചയിച്ചുകൊണ്ടുള്ള നടപടിക്കെതിരെ പ്രതിപക്ഷ പാര്ട്ടികള് രംഗത്തെത്തി. രാജ്യത്തിന്റെ ദുരന്തമാണിതെന്നും കേന്ദ്ര സര്ക്കാരിന്റെ അനീതിയാണിതെന്നും രാഹുല് ഗാന്ധി കുറ്റപ്പെടുത്തി. സി.പി.എം ജനറല് സെക്രട്ടറി സീതാറാം യെച്ചൂരിയും വിമര്ശനവുമായി രംഗത്തെത്തി. ഇത് അംഗീകരിക്കാനാവില്ലെന്നും പി.എം കെയര്സ് ഫണ്ടില് നിന്ന് ചെലവഴിച്ച് സംസ്ഥാനങ്ങള്ക്ക് വാക്സിന് സൗജന്യമായി ലഭ്യമാക്കണമെന്നും സിതാറാം യെച്ചൂരി പറഞ്ഞു. കഴിഞ്ഞ 70 വര്ഷമായി ഇന്ത്യ സൗജന്യമായാണ് വാക്സിനേഷന് പദ്ധതികള് ചെയ്തിരുന്നതെന്നും യെച്ചൂരി ചൂണ്ടിക്കാട്ടി.
आपदा देश की
अवसर मोदी मित्रों का
अन्याय केंद्र सरकार का!#VaccineDiscrimination pic.twitter.com/oOTC77AmkB— Rahul Gandhi (@RahulGandhi) April 21, 2021
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.