62-കാരിയെ അതിക്രൂരമായി കൊലപ്പെടുത്തിയ കേസില് പ്രതി അറസ്റ്റില്; ലൈംഗികാതിക്രമത്തിനും ഇരയായതായി റിപ്പോര്ട്ട്
ന്യൂഡല്ഹി: ഡല്ഹിയില് 62 കാരിയെ അതിക്രൂരമായി കൊലപ്പെടുത്തിയ കേസില് പ്രതി പിടിയിലായി. അയൽവാസിയായ വിപിൻ ദേദ(30) എന്ന യുവാവാണ് അറസ്റ്റിലായത്. ഇയാള് കുറ്റം സമ്മതിച്ചതായും കൊലപാതകത്തിന് ഉപയോഗിച്ച കത്തി കണ്ടെടുത്തതായും പോലീസ് പറഞ്ഞു. കൊലപാതകം നടന്ന് മണിക്കൂറുകള് പിന്നിട്ട ശേഷമാണ് പ്രതിയെ പോലീസ് പിടികൂടിയത്.
ഞായറാഴ്ചയാണ് ഡല്ഹിയില് താമസിക്കുന്ന ബിഹാര് സ്വദേശിനിയായ 62-കാരിയെ വീട്ടില് കൊല്ലപ്പെട്ട നിലയില് കണ്ടെത്തിയത്. മകന് ജോലി കഴിഞ്ഞെത്തിയപ്പോള് ചോരയില് കുളിച്ച് കിടക്കുന്ന നിലയിലായിരുന്നു ഇവര്. ഉടന്തന്നെ ഇവരെ ആശുപത്രിയില് എത്തിച്ചെങ്കിലും നേരത്തെ മരണം സംഭവിച്ചിരുന്നതായി ഡോക്ടര്മാര് പറഞ്ഞു.
കൊലപ്പെട്ട വയോധികയുടെ ശരീരത്തില് 20 തവണ കുത്തേറ്റതായാണ് പോലീസ് കണ്ടെത്തിയത്. കഴുത്തിലും വയറിലും മാരകമായി പരിക്കേറ്റിരുന്നു. മാത്രമല്ല, 62-കാരി ലൈംഗികാതിക്രമത്തിന് ഇരയായിട്ടുണ്ടെന്നും പരിശോധനയില് കണ്ടെത്തി.
സംഭവത്തില് അന്വേഷണം ആരംഭിച്ച പോലീസ് സമീപത്തെ സിസിടിവി ദൃശ്യങ്ങളില് പരിശോധിച്ചതോടെയാണ് പ്രതിയെ തിരിച്ചറിഞ്ഞത്. തുടര്ന്ന് ഇയാളെ പിടികൂടി ചോദ്യം ചെയ്യുകയായിരുന്നു. സംഭവസമയത്ത് ഇയാള് മദ്യലഹരിയിലായിരുന്നുവെന്നും പോലീസ് പറഞ്ഞു.
ബിഹാറിലെ ബെഗുസരായ് സ്വദേശിനിയായ 62-കാരി ഏറെക്കാലമായി കുടുംബത്തോടൊപ്പം ഡല്ഹിയിലാണ് താമസം. ഇവര് വീടിനോട് ചേര്ന്ന് പച്ചക്കറി വില്പ്പനയും നടത്തിയിരുന്നു. സംഭവദിവസം കൊച്ചുമകനൊപ്പം പച്ചക്കറി വണ്ടിയുമായി കച്ചവടത്തിന് പോയ ഇവര് ഭക്ഷണമുണ്ടാക്കാനായി വീട്ടില് തിരിച്ചെത്തിയപ്പോഴാണ് അക്രമിയുടെ ക്രൂരകൃത്യത്തിന് ഇരയായത്.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.