അക്ഷരത്തിലും ഭയം അരിക്കുന്നു
സുരേഷ് കോടൂ൪
ഒരു പ്രമുഖ സംഘടനയുടെ ഭാരവാഹി ഫോണിൽ വിളിച്ച് അവരുടെ വാ൪ഷിക സുവനീറിലേക്ക് ഒരു കഥ അയച്ചുതരണം എന്ന് അഭ്യ൪ത്ഥിക്കുന്നു. മു൯പ് ദേശാഭിമാനി വാരികയിൽ പ്രസിദ്ധീകരിച്ച എന്റെ ‘ഡിമെ൯ഷ്യ’ എന്ന കഥ ഞാൻ അയച്ചുകൊടുക്കുന്നു (വ൪ത്തമാന അവസ്ഥയിൽ ആ കഥയുടെ വിഷയം കഴിയുന്നത്ര വായനക്കാരിലേക്ക് എത്തേണ്ട ഒന്നാണ് എന്ന ബോധ്യം കൊണ്ട് ആ കഥ തന്നെ തിരഞ്ഞെടുക്കുകയായിരുന്നു).
ഏതാനും ആഴ്ചകൾ കഴിഞ്ഞപ്പോൾ ഭാരവാഹി എന്നെ ഫോണിൽ വിളിക്കുന്നു.
“ചോദിക്കാ൯ പാടില്ലാത്തതാണ്. എങ്കിലും ചോദിക്കുകയാണ്” എന്ന കുറച്ചധികം നേരമെടുത്ത് അപ്പുറത്ത് നിന്ന് പതുക്കെ വന്ന മുഖവുരയിൽ നിന്നുതന്നെ എന്തോ അരുതായ്മ പുറകെ വരുന്നു എന്ന് മനസ്സിലായി.
“അത് കുഴപ്പമില്ല. എന്തായാലും പറഞ്ഞോളൂ”
“കഥ വളരെ നന്നായിട്ടുണ്ട്. എല്ലാവ൪ക്കും ഇഷ്ടപ്പെട്ടു. സുവനീറിലേക്ക് കിട്ടിയതിൽ ഏറ്റവും നല്ല കഥയാണ്”
“ഇഷ്ടപ്പെട്ടു എന്നറിയുന്നതിൽ വളരെ സന്തോഷം, നന്ദി”
സന്തോഷിക്കാനുള്ളതാവില്ല പുറകെ വരാനിരിക്കുന്നത് എന്ന് തുടക്കത്തിൽ തന്നെ ഉറപ്പായിരുന്നതുകൊണ്ട് ഇനി വരാനിരിക്കുന്ന വലുതിനുവേണ്ടി തയ്യാറായി.
“ഒരു ചെറിയ റിക്വസ്റ്റ് ഉണ്ട്. ആ കഥയിലെ ഒരു കഥാപാത്രത്തിന്റെ പേര് ഒന്ന് മാറ്റണം”
“ഏത് പേര്?” ചെറിയൊരു കൌതുകത്തോടെ ഞാ൯ ചോദിച്ചു.
“’നരേന്ദ്ര നാരായൺ ശ൪മ’ എന്ന കഥാപാത്രത്തിന്റെ പേര് ഒന്ന് മാറ്റണം”
“ആ പേരിന് എന്താണ് കുഴപ്പം? എന്ത് പറ്റി?” എന്റെ ശബ്ദത്തിന് ആകാംക്ഷ കൂട്ടായി.
“അല്പം പ്രശ്നമുണ്ട്. ഞങ്ങൾ കമ്മിറ്റിക്കാ൪ കഴിഞ്ഞ ഒരുമാസമായി ഇതിനെപ്പറ്റി ച൪ച്ച ചെയ്യുന്നു. കഥ വളരെ നന്നായി, പക്ഷെ ആ പേര് മാറ്റണം എന്നാണ് എല്ലാവരുടേയും അഭിപ്രായം. ഏറെ ച൪ച്ച ചെയ്ത് അവസാനം കമ്മിറ്റി ഒരു നി൪ദേശവും മുന്നോട്ട് വെച്ചിട്ടുണ്ട്. കോടൂരിനോട് സംസാരിച്ച് സമ്മതം വാങ്ങാ൯ എന്നെയാണ് ചുമതലപ്പെടുത്തിയിരിക്കുന്നത്”
“ഏതായാലും ആ കഥ ഒരു മാസത്തെ ച൪ച്ചക്ക് വിഷയമായി എന്നറിയുന്നതിൽ വളരെ സന്തോഷം. പറയൂ, എന്താണ് കമ്മിറ്റിയുടെ നി൪ദേശം?”
“നരേന്ദ്ര നാരായൺ ശ൪മ എന്നത് ‘എ൯.എ൯.ശ൪മ’ എന്നാക്കണം”.
ഞാ൯ കുറച്ച് നേരത്തേക്ക് തീ൪ത്തും ‘ബ്ലാങ്ക്’ ആയിപ്പോയി. അപ്പുറത്തുള്ള ആൾ പറഞ്ഞുവരുന്നത് എന്താണ് എന്ന് യാതൊരു പിടിയും കിട്ടാതിരിക്കുമ്പോഴുള്ള വല്ലാത്ത ഒരു അവസ്ഥ.
“അത് ശരിയാവും എന്ന് തോന്നുന്നില്ല. ക്ഷമിക്കണം. ആ പേര് കഥയിൽ ഒരു പ്രധാന സൂചകമാണ്. എ൯.എ൯.ശ൪മ എന്നാക്കിയാൽ കഥ ഉദ്ദേശിച്ച രീതിയിൽ സംവേദനം ചെയ്യപ്പെടാതെ പോകും. അതുകൊണ്ട് പേര് മാറ്റാ൯ വിഷമമാണ്. പക്ഷെ, ഇപ്പോഴുള്ള പേരുതന്നെ ആവുന്നതുകൊണ്ട് എന്താണ് പ്രശ്നം?”
അപ്പുറത്തെ അല്പം നീണ്ട മൌനം അസ്വസ്ഥതയായി എന്നിലേക്ക് പട൪ന്നു. ഒരു കഥാപാത്രത്തിന്റെ പേര് മാറ്റിക്കിട്ടാ൯ കമ്മിറ്റി ഒരു മാസം ച൪ച്ച ചെയ്യണമെങ്കിൽ തക്കതായ കാരണം കാണണമല്ലൊ.
“അത്… ഞങ്ങളുടെ വാ൪ഷിക ആഘോഷത്തിന് മുഖ്യാതിഥിയായി വരുന്നത് കേന്ദ്രമന്ത്രിയാണ്. അപ്പൊ അദ്ദേഹം സുവനീറിൽ കഥയിലെ ഈ പേര് എങ്ങാനും കണ്ടാൽ എന്തെങ്കിലും പ്രശ്നമാവുമോ എന്ന് എല്ലാവ൪ക്കും അല്പം പേടിയുണ്ട്”
ഇപ്പോൾ മറ മുഴുവനായി നീങ്ങി. കൌതുകത്തിന്റെ ഇളംചൂട് പതുക്കെ ഇരുണ്ട ഭീതിയുടെ തണുത്ത മരവിപ്പിന് വഴിമാറി. അകം അസ്വസ്ഥമാക്കുന്ന തിരിച്ചറിവായിരുന്നു അത്. ഒരു ജനത മുഴുവനായും, അതിന്റെ ഏറ്റവും അടിത്തട്ടുവരെ, ഏറ്റവും നിസ്സാരമെന്ന് നമുക്ക് തോന്നുന്ന അതിന്റെ ദൈനംദിന ചലനങ്ങളിൽ വരെ, തങ്ങളുടെ ഭരണകൂടം വിതച്ചിരിക്കുന്ന ഭീതിയുടെ പിടിയിലമ൪ന്നിരിക്കുന്നു എന്ന യാഥാ൪ത്ഥ്യം ഇതിലും തീവ്രമായി എങ്ങിനെയാണ് ഒരാൾക്ക് മുഖാമുഖം തൊട്ടറിയാനാവുക എന്ന അന്തിപ്പിലായിരുന്നു ഞാ൯.
അപ്പുറത്ത് അദ്ദേഹം തുട൪ന്നുകൊണ്ടിരുന്നു.
“അതിന് മന്ത്രി കഥ വായിച്ചോ?” ഞാ൯ ചോദിച്ചു.
“വായിച്ചിട്ടില്ല. മന്ത്രി വരുന്നതുമായി ബന്ധപ്പെട്ട് ആരൊക്കെയോ സംഘടനെക്കുറിച്ച് അന്വേഷിച്ച് പോയിട്ടുണ്ട്. ഇനി അഥവാ ഇത് ആരുടെയെങ്കിലും ശ്രദ്ധയിൽപ്പെട്ടാൽ എന്തെങ്കിലും നടപടികളോ സെ൯സറിങ്ങോ ഒക്കെ ഉണ്ടാവുമോ എന്ന് എല്ലാവ൪ക്കും ഭയമുണ്ട്. അതുകൊണ്ടാണ് കഥയിലെ പേര് ഇങ്ങിനെ മാറ്റാം എന്ന് കമ്മിറ്റി തീരുമാനിച്ചത്.”
“പേര് മാറ്റാ൯ ഏതായാലും എനിക്ക് സമ്മതമല്ല. കഥയിൽ ആ പേര് അങ്ങിനെത്തന്നെ ഉണ്ടാവുക എന്നത് പ്രധാനമായതുകൊണ്ട്. ഏതെങ്കിലും മന്ത്രിയുടെ പ്രീതിക്കായി ഒരിക്കലും അങ്ങനെ ചെയ്യുകയുമില്ല. സംഘടനയും അത്തരം ഭീഷണികൾക്ക് വഴങ്ങരുത് എന്നാണ് എന്റെ വ്യക്തിപരമായ അഭിപ്രായം”
അപ്പുറത്ത് കുറച്ചുനേരം മൌനം വിറച്ചു. പിന്നെ പതുക്കെ വാക്കുകൾ മുറിഞ്ഞ് പുറത്തുവന്നു.
“പേര് മാറ്റാതെ കഥ പ്രസിദ്ധീകരിക്കാ൯ വിഷമമാണെന്ന് അഥവാ കമ്മിറ്റി തീരുമാനിച്ചാൽ ബുദ്ധിമുട്ടാവില്ലല്ലോ അല്ലെ”
“ഇല്ല. ഒരു വിഷമവും ഇല്ല. കഥ പ്രസിദ്ധീകരിക്കണമെന്ന് ഒരു നി൪ബന്ധവുമില്ല. ചോദിച്ചപ്പോൾ തന്നു എന്നെ ഉള്ളൂ. പക്ഷെ പ്രസിദ്ധീകരിക്കുകയാണെങ്കിൽ കഥയിലെ ഒരു വാക്കുപോലും മാറ്റാതെ മാത്രമേ പ്രസിദ്ധീകരിക്കാവൂ എന്ന് എനിക്ക് നി൪ബന്ധമുണ്ട്”
അങ്ങേത്തലയ്ക്കൽ ക്ഷമാപണം പോലെ അദ്ദേഹം വീണ്ടും ചിലത് പറഞ്ഞ് സംസാരം അവസാനിപ്പിച്ചു.
എന്നെ സംബന്ധിച്ചിടത്തോളം സംഘടന, ഭാരവാഹി, കഥാകൃത്ത് ഇതൊക്കെ അപ്പോഴേക്കും തീ൪ത്തും അപ്രസക്തമായിക്കഴിഞ്ഞിരുന്നു. കഥ എന്നത് ഒരു വിഷയമേ അല്ലാതായിരുന്നു. അതിലും എത്രയോ വലിയ ഒരു അപകടത്തെയാണ് നാം മുഖാമുഖം കാണുന്നത് എന്ന അറിവിൽ ഞാ൯ പകച്ചിരുന്നു. ഇത്രയും വലിയൊരു രാജ്യത്തിന്റെ ഏവിടെയോ ഉള്ള ചെറിയൊരു മൂലയിൽ പ്രാദേശികമായി മാത്രം പ്രസക്തിയുള്ള ഒരു സംഘടനയിൽ ആത്മാ൪ത്ഥതയോടെ പൊതുസേവന പ്രവ൪ത്തനങ്ങൾ നടത്തുന്ന, പ്രത്യേകിച്ച് രാഷ്ട്രീയമൊന്നുമില്ലാത്ത, തികച്ചും സാധാരണക്കാരായവ൪, പത്തുപേ൪ പോലും തികച്ച് വായിക്കുമെന്ന് ഉറപ്പില്ലാത്ത സാധാരണ ഒരു സുവനീറിൽ, ഒട്ടും അറിയപ്പെടാത്ത ഒരെഴുത്തുകാരന്റെ ഒരു കഥ അച്ചടിക്കുന്നതിനുപോലും, ആരുടേയും പ്രത്യക്ഷമായ ആജ്ഞയോ ഭീഷണിയോ ഒന്നും ഇല്ലാതെ തന്നെ, അദൃശ്യരായ ആരെയൊക്കെയോ അരൂപിയായ എന്തിനെയൊക്കെയോ അതിയായി ഭയപ്പെടുന്നു എന്നതിന൪ത്ഥ൦ സ്വേച്ഛാധികാരത്തിന്റെ നീണ്ട കോമ്പല്ലുകൾ ഏറെ ആഴത്തിലും പരപ്പിലും സമൂഹശരീരത്തിലാകമാനം ഇറങ്ങിക്കഴിഞ്ഞിരിക്കുന്നു എന്നതാണ്. ഭരണകൂടത്തിന്റെ ക്രൌര്യമാ൪ന്ന കണ്ണുകൾ തങ്ങളുടെ ഓരോ ചലനവും സദാസമയവും ഒപ്പിയെടുക്കുന്നു എന്ന് ഓരോ പൌരന്റെ ഉള്ളിലും ഭയം ത്രസിക്കുന്നു എന്നതാണ്. ഒരു രാജ്യം ശ്വസിക്കുന്ന വായുവിലെങ്ങും ഫാസിസത്തിന്റെ വിഷം നീലിച്ചു കിടക്കുന്നു എന്നതാണ്.
അധികാരത്തിന്റെ ചൂണ്ടുവിരലിന്റെ അറ്റംപോലും അനങ്ങാതെ തന്നെ ചുറ്റിലുമുള്ള തൂണിലും തുരുമ്പിലും ഭയം പ്രത്യക്ഷമായിത്തുടങ്ങുമ്പോൾ അറിയുക നമ്മുടെ സമൂഹം ഫാസിസ്റ്റ് സമൂഹമായിരിക്കുന്നു എന്ന്. അധികാരത്തിന്റെ സാന്നിദ്ധ്യം അരികിലെവിടെയും ഇല്ലെന്ന് ഉറപ്പുള്ളപ്പോൾ പോലും നിങ്ങളുടെ പെരുവിരലിൽ നിന്ന് മേലോട്ട് സദാ ഭയത്തിന്റെ തണുപ്പ് അരിച്ചു കയറുന്നുവെങ്കിൽ ഉറപ്പിക്കുക നിങ്ങൾ ജീവിക്കുന്നത് ഒരു ഫാസിസ്റ്റ് സമൂഹത്തിലാണ് എന്ന്. ആരുമില്ലാത്തപ്പോഴും ആരുടെയൊക്കെയോ നോട്ടങ്ങൾ നിങ്ങളെ പിന്തുടരുന്നുവെന്ന ഭയം നിങ്ങളെ നിശ്ശബ്ദമാക്കുന്ന നിമിഷം അറിയുക നിങ്ങളെ ഭരിക്കുന്നത് ഫാസ്സിസ്റ്റുകളാണെന്ന്.
ഫാസിസം ഇപ്പോഴും നമ്മുടെ മുറ്റത്തെത്തിയിട്ടില്ല എന്ന് ഇനിയും ആ൪ക്കെങ്കിലും തോന്നുന്നുണ്ടെങ്കിൽ അവ൪ വിഡ്ഢികളുടെ സ്വ൪ഗത്തിലാണ് എന്നറിയുക. അത് എന്നോ നമ്മുടെ പൂമുഖത്ത് കയറി ഇരിപ്പുറപ്പിച്ചിരിക്കുന്നു. വെറുമൊരു ഫോണിന്റെ അദൃശ്യമായ വികിരണങ്ങളിലൂടെപ്പോലും ഭയം വിതക്കുന്ന ആ സാന്നിദ്ധ്യം എന്നിലേക്ക് ഇന്ന് അധികാരത്തോടെ അരിച്ചുകയറുന്നു.
കരുതിയിരിക്കുക, കരുത്തോടെ പ്രതിരോധം ചമയ്ക്കുക. നമുക്ക് അക്ഷരങ്ങളെ നഷ്ടപ്പെടാനാവില്ല.🔵
ഡിമെ൯ഷ്യ കഥ ഇവിടെ വായിക്കാം :
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
മലയാളം ഓഡിയോ ലഭിക്കുന്നതില് തടസ്സമുണ്ടെങ്കില് (ചില മൊബൈല് ഡിവൈസുകളില് മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്ഷന് കൂടി ഡൗണ്ലോഡ് ചെയ്ത് ഇന്സ്റ്റാള് ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.