ബെംഗളൂരു: ബെംഗളൂരു-മൈസൂരു എക്സ്പ്രസ് വേയിൽ കാൽനടയാത്രക്കാരുടെ സുരക്ഷ ഉറപ്പാക്കുന്നതിനായി 21 സ്കൈവാക്കുകൾ നിർമ്മിക്കാനൊരുങ്ങി നാഷണൽ ഹൈവേ അതോറിറ്റി ഓഫ് ഇന്ത്യ (എൻഎച്ച്എഐ). ഇതുവരെ അഞ്ച് സ്കൈവാക്കുകൾ മാത്രമാണ് പാതയിലുള്ളത്. ബാക്കിയുള്ളവ എത്രയും വേഗം നിർമ്മിക്കാനുള്ള ശ്രമങ്ങൾ നടന്നുവരികയാണ്. തിരക്കേറിയ റോഡ് മുറിച്ചുകടക്കുന്നത് കാൽനടയാത്രക്കാർക്ക് വലിയ അപകടമായി മാറിയിട്ടുണ്ട്. സ്കൈവാക്കുകൾ നിർമിച്ചാൽ ആളുകൾക്ക് തടസമില്ലാതെ റോഡുകൾ മുറിച്ചുകടക്കാനും മറ്റും സാധിക്കുമെന്ന് എൻഎച്ച്എഐ ഉദ്യോഗസ്ഥർ അറിയിച്ചു.
സമീപത്തുള്ള ഗ്രാമങ്ങളിലേക്കും അവശ്യ സേവനങ്ങളിലേക്കും എത്തിച്ചേരാൻ സഹായിക്കുന്നതിന് സ്കൈവാക്കുകളോ ഓവർബ്രിഡ്ജുകളോ നിർമ്മിക്കണമെന്ന് നിരവധി ഗ്രാമവാസികൾ മുമ്പ് എൻഎച്ച്എഐയോട് ആവശ്യപ്പെട്ടിരുന്നു. ഹൈവേ മുറിച്ചുകടക്കാൻ ശ്രമിക്കുമ്പോൾ അപകടങ്ങൾ സംഭവിച്ച നിരവധി സംഭവങ്ങൾ അടുത്തിടെ റിപ്പോർട്ട് ചെയ്യപ്പെട്ടിട്ടുണ്ട്. ഇതിന്റെ പശ്ചാത്തലത്തിലാണ് നടപടി. സ്കൈവാക്ക് നിർമ്മാണം പുരോഗമിക്കുന്നുണ്ടെങ്കിലും, ഓവർബ്രിഡ്ജുകൾ കൂടുതൽ ഉപയോഗപ്രദമാകുമായിരുന്നുവെന്ന് ഗ്രാമവാസികൾ അഭിപ്രായപ്പെട്ടിരുന്നു. കൂടാതെ ദേശീയപാതയിൽ കൂടുതൽ മേൽപ്പാലങ്ങൾ നിർമ്മിക്കാൻ കാൽനടയാത്രക്കാർ എൻഎച്ച്എഐയോട് ആവശ്യപ്പെട്ടിട്ടുണ്ട്.
TAGS: BENGALURU | EXPRESSWAY
SUMMARY: NHAI to build 21 skywalks on Bengaluru-Mysuru Highway
ബെംഗളൂരു: ലോക്സഭാ തിരഞ്ഞെടുപ്പിൽ ബെംഗളൂരു സെൻട്രൽ മണ്ഡലത്തിലെ മഹാദേവപുരയിൽ ക്രമക്കേട് നടന്നെന്ന തെളിവുകൾ പുറത്തുവിട്ടതിനു പിന്നാലെ ലോക്സഭയിലെ പ്രതിപക്ഷനേതാവ് രാഹുൽഗാന്ധി…
ഭുവനേശ്വർ: ചത്തീസ്ഗഡിനു പുറമെ ഒഡിഷയിലും മതപരിവർത്തനം ആരോപിച്ച് മലയാളി വൈദികർക്കു നേരെ ആക്രമണം. ഒഡിഷയിലെ ജലേശ്വറിൽ 2 മലയാളി വൈദികരെയും…
ജയ്പുർ: ഐപിഎല്ലിൽ രാജസ്ഥാൻ റോയൽസ് ടീം വിടാൻ സഞ്ജു സാംസൺ തയാറെടുക്കുന്നതായി റിപ്പോർട്ട്. ടീമിൽ തുടരാൻ ആഗ്രഹിക്കുന്നില്ലെന്ന് മാനേജ്മെന്റിനെ സഞ്ജു…
മൈസൂരു: ചാമുണ്ഡിഹിൽസ് വ്യു പോയിന്റിൽ കർണാടക ആർടിസി ബസ് മറിഞ്ഞ് അപകടം. യാത്രക്കാരുമായി ചാമുണ്ഡി ഹിൽസിലേക്കു പോകുകയായിരുന്ന ബസ് ഇന്നാണ്…
ബെംഗളൂരു: തിരഞ്ഞെടുപ്പ് ക്രമക്കേടുമായി ബന്ധപ്പെട്ട് ഫ്രീഡം പാർക്കിൽ ലോക്സഭയിലെ പ്രതിപക്ഷ നേതാവ് രാഹുൽഗാന്ധി നയിക്കുന്ന പ്രതിഷേധ റാലി നടക്കുന്നതിനാൽ നഗരത്തിൽ…
തൃശ്ശൂരിൽ ഗ്യാസ് അടുപ്പിൽ നിന്നും തീ പടർന്ന് 2 പേർക്ക് പൊള്ളലേറ്റു. പഴയന്നൂർ മേപ്പാടത്തു പറമ്പ് തെഞ്ചീരി അരുൺ കുമാറിൻ്റെ…