ലിവര്‍പൂള്‍: ലിവർപൂളില്‍ നടന്ന 2025-ലെ ലോക ബോക്സിങ് ചാമ്പ്യൻഷിപ്പില്‍ വനിതകളുടെ 57 കിലോഗ്രാം വിഭാഗത്തില്‍ ഇന്ത്യൻ താരം ജെയ്‌സ്‌മിൻ ലംബോറിയ സ്വർണ മെഡല്‍ നേടി ചരിത്രം കുറിച്ചു. ഫൈനലില്‍ പോളണ്ടിന്റെ ജൂലിയ സെറെമെറ്റയെ 4-1 എന്ന സ്പ്ലിറ്റ് ഡിസിഷനിലൂടെയാണ് ജെയ്‌സ്‌മിൻ തോല്‍പ്പിച്ചത്.
2024 പാരിസ് ഒളിമ്പിക്സില്‍ വെള്ളി മെഡല്‍ ജേതാവാണ് ജൂലിയ സെറെമെറ്റ. ഈ ചാമ്പ്യൻഷിപ്പില്‍ ഇന്ത്യയുടെ ആദ്യത്തെ സ്വർണമാണിത്. ജെയ്‌സ്‌മിന്റെ കന്നി ലോക കിരീടനേട്ടം കൂടിയാണ് ഇത്. ഈ വിജയം ജെയ്‌സ്‌മിൻ്റെ വ്യക്തിപരമായ നേട്ടം മാത്രമല്ല, പാരിസ് ഒളിമ്പിക്സിന് ശേഷമുള്ള ഇന്ത്യൻ ബോക്സിങ്ങിന് ഇത് വലിയൊരു ഊർജ്ജം കൂടിയാണ്.
SUMMARY: 24-year-old Jasmine Lamboria wins historic gold at World Boxing Championships
