പ്രയാഗ്രാജ്: മഹാ കുംഭമേളയിൽ തിക്കിലും തിരക്കിലും മുപ്പതോളം പേർ കൊല്ലപ്പെട്ട സംഭവത്തിന് പിന്നിൽ ഗുഢാലോചനയുണ്ടെന്ന് അന്വേഷണ സംഘത്തിന് സംശയം ബലപ്പെടുന്നു. കുംഭമേള നിറുത്തിവയ്പ്പിക്കുക എന്ന ലക്ഷ്യത്തോടെ ബാഹ്യശക്തികൾ മനഃപൂർവം തിക്കും തിരക്കും ഉണ്ടാക്കുകയായിരുന്നോ എന്ന സംശയമാണ് അന്വേഷണ കമ്മീഷനുള്ളത്. ഇക്കാര്യത്തെക്കുറിച്ചും വിശദമായി അന്വേഷിക്കുന്നുണ്ട്. ഒരുമാസത്തിനകം റിപ്പോർട്ട് സമർപ്പിക്കണമെന്നാണ് മൂന്നംഗ ജുഡിഷ്യൽ കമ്മിഷന് നൽകിയിട്ടുള്ള നിർദ്ദേശം. ഇതിന് പുറമേ പോലീസും സംഭവത്തെക്കുറിച്ച് അന്വേഷിക്കുന്നുണ്ട്.
കുംഭമേളയില് മതിയായ സുരക്ഷാ ക്രമീകരണങ്ങള് ഏര്പ്പെടുത്തിയില്ലെന്നതില് യു പി സര്ക്കാരിനെതിരെ കടുത്ത വിമര്ശനമാണ് ഉയര്ന്നത്. എന്നാല്, ക്രമീകരണങ്ങളില് വീഴ്ചയുണ്ടായിട്ടില്ലെന്നാണ് സര്ക്കാര് ആവര്ത്തിച്ചു പറഞ്ഞുകൊണ്ടേയിരിക്കുന്നത്. തിക്കും തിരക്കും ഉണ്ടാകേണ്ട യാതൊരു സാഹചര്യവും ഉണ്ടായിരുന്നില്ലെന്ന് സര്ക്കാര് വ്യക്തമാക്കുന്നു. അതുകൊണ്ടു തന്നെ ബോധപൂര്വം തിരക്കുണ്ടാക്കിയതാണോ എന്ന സംശയത്തിലാണ് സര്ക്കാര്.
<BR>
TAGS : MAHA KUMBHMELA | STAMPEDE
SUMMARY : Kumbh Mela tragedy in which 30 people died: Investigation team to examine if there was a conspiracy
