ജവഹർ നവോദയ വിദ്യാലയങ്ങളിൽ ആറാം ക്ലാസ് പ്രവേശനം; അപേക്ഷ ക്ഷണിച്ചു

ന്യൂഡല്‍ഹി: ജവഹർ നവോദയ വിദ്യാലയങ്ങളിലേക്ക് 2025 -26 വർഷത്തെ ആറാം ക്ലാസ് പ്രവേശനത്തിനുള്ള ടെസ്റ്റിൽ പ​ങ്കെടുക്കാം. ജനുവരി 18നാണ് സെലക്ഷൻ ടെസ്റ്റ്‌. കേരളം, കർണാടക, ഉൾപ്പെടെ വിവിധ സംസ്ഥാനങ്ങളിലേക്ക് ​രാവിലെ 11.30നാണ് ടെസ്റ്റ് നടത്തുക. കേരളത്തിലുള്ളവർക്ക് മലയാളം, ഹിന്ദി, ഇംഗ്ലീഷ്, തമിഴ്, കന്നഡ ഭാഷകളിൽ പരീക്ഷയെഴുതാം. രണ്ടുമണിക്കൂർ ദൈർഘ്യമുള്ള ടെസ്റ്റിൽ മെന്റൽ എബിലിറ്റി, അരിതമെറ്റിക്, ഭാഷ എന്നിവയിലായി 80 ചോദ്യങ്ങളുണ്ടാവും. പരമാവധി 100 മാർക്കിനാണിത്. ഉയർന്ന റാങ്കുകൾക്കാണ് പ്രവേശനം.

നവോദയ സ്കൂൾ സ്ഥിതിചെയ്യുന്ന ജില്ലയിൽ സ്ഥിരതാമസമുള്ളതും അംഗീകൃത സ്കൂളിൽ അഞ്ചാംക്ലാസിൽ പഠിക്കുന്നതുമായ വിദ്യാർഥികൾക്ക് അപേക്ഷിക്കാം. 2013 മേയ് ഒന്നിന് മുമ്പോ 2015 ജൂലൈ 31ന് ശേഷമോ ജനിച്ചവരാകരുത്. ഇതിനു മുമ്പ് സെലക്ഷൻ ടെസ്റ്റിൽ പ​ങ്കെടുത്തവരെ വീണ്ടും പരിഗണിക്കില്ല. റൂറൽ ക്വോട്ട സീറ്റുകളിലേക്ക് ഗ്രാമീണ സ്കൂളുകളിൽ 3, 4, 5 ക്ലാസുകളിൽ പഠിച്ച കുട്ടികൾക്കാണ് അപേക്ഷിക്കാവുന്നത്. ആകെ സീറ്റുകളിൽ മൂന്നി​ലൊന്ന് പെൺകുട്ടികൾക്കാണ്. ആറാം ക്ലാസിൽ പ്രവേശനം ലഭിക്കുന്നവർക്ക് സി.ബി.എസ്.ഇ സിലബസിൽ 12ാം ക്ലാസുവരെ പഠനം തുടരാം.

വിജ്ഞാപനത്തിനും പ്രോസ്​പെക്ടസിനും  https:/navodaya.gov.in എന്ന വെബ്സൈറ്റ് സന്ദര്‍ശിക്കുക.

<BR>
TAGS : JAWAHAR NAVODAYA VIDYALAYA | ADMISSION
SUMMARY : 6th class admission in Jawahar Navodaya Vidyalayas; Application invited

.