ബെംഗളൂരു: നഗരത്തിലെ സ്വകാര്യ വാഹന യാത്രക്കാരിൽ 95 ശതമാനവും തുടർയാത്ര സൗകര്യം ഉറപ്പാക്കിയാൽ പൊതുഗതാഗത മാർഗങ്ങൾ ഉപയോഗിക്കാൻ തയാറെന്ന് സർവേ റിപ്പോർട്ട്. വെബ് ടാക്സി, ഓട്ടോ ആപ്പായ നമ്മ യാത്രിയാണ് സർവേയ്ക്കു പിന്നിൽ.
സർവേയിൽ പങ്കെടുത്തവരിൽ 53 ശതമാനം പേർ വീട്ടിൽ നിന്ന് മെട്രോ സ്റ്റേഷനുകളിലേക്കുള്ള യാത്രാ സൗകര്യം മെച്ചപ്പെടുത്തണമെന്ന് അഭിപ്രായപ്പെട്ടു. ഗതാഗത നിയന്ത്രണം ഉൾപ്പെടെ കൂടുതൽ കാര്യക്ഷമമാക്കണമെന്ന് 49 ശതമാനവും അഭിപ്രായപ്പെട്ടു.
നഗരവാസികൾക്ക് പ്രതിവർഷം 117 മണിക്കൂർ ഗതാഗത കുരുക്കിൽ നഷ്ടമാകുന്നതായി സർവേ കണ്ടെത്തുന്നു. 2030ഓടെ ഇതു പകുതിയായെങ്കിലും കുറയ്ക്കണം. സമാനമായ പ്രശ്നത്തിനു പരിഹാരം കണ്ടെത്തിയ ഷാങ്ഹായ്, ഹെൽസിങ്കി, ടോക്യോ നഗരങ്ങളെ മാതൃകയാക്കണമെന്നും സർവേയിൽ പറയുന്നു.
SUMMARY: 95% commuters in Bengaluru willing to use public transport if last-mile connectivity ensured: Survey
