മകരവിളക്ക് ദിനത്തില്‍ സന്നിധാനത്ത് സിനിമാ ഷൂട്ടിംഗ്; അന്വേഷിക്കണമെന്ന് ദേവസ്വം ബോര്‍ഡ്

പത്തനംതിട്ട: മകരവിളക്ക് ദിനത്തില്‍ സന്നിധാനത്ത് സിനിമാ ഷൂട്ടിംഗ് നടന്നുവെന്ന പരാതിയില്‍ ദേവസ്വം ബോർഡ് അന്വേഷണത്തിന് ഉത്തരവിട്ടു. പരാതി വിജിലൻസിന് കൈമാറിയെന്ന് ദേവസ്വം ബോർഡ് അധികൃതർ പറഞ്ഞു. അനുരഞ്ജ് മനോഹർ സംവിധാനം ചെയ്യുന്ന സിനിമയുടെ ഷൂട്ടിങ്ങിന് അനുമതി തേടിയിരുന്നു.

സുരക്ഷാപ്രശ്നങ്ങള്‍ ചൂണ്ടിക്കാട്ടി അനുമതി നിഷേധിച്ചതായും ബോർഡ് വ്യക്തമാക്കി. സന്നിധാനത്ത് അനുമതി കിട്ടാതെവന്നതോടെ പോലീസിനെ അറിയിച്ചശേഷം പമ്പയിലാണ് ഷൂട്ടിംഗ് നടത്തിയതെന്ന് സിനിമയുടെ അണിയറ പ്രവർത്തകർ പറഞ്ഞു. സംഭവത്തില്‍ ഉടൻ അന്വേഷണം ആരംഭിക്കാനുള്ള നീക്കത്തിലാണ് വിജിലൻസ്.

SUMMARY: Movie shooting at Sannidhanam on Makaravilakku Day; Devaswom Board demands investigation