ബെംഗളൂരു: ടി.ദാസറഹള്ളി ചോക്കസാന്ദ്ര നേതാജി നഗര് സെന്റ് ജോസഫ്സ് ആൻഡ് സെന്റ് ക്ലാരറ്റ് പള്ളിയിലെ തിരുനാളിന് ഇന്ന് വൈകിട്ട് 5.40ന് കൊടിയേറും. ബെംഗളൂരു അതിരൂപത വികാരി ജനറൽ ഫാ.സേവ്യർ മണവത്ത് കുർബാനയ്ക്ക് മുഖ്യകാർമികത്വം വഹിക്കും.
ശനിയാഴ്ച വൈകിട്ട് 5.30നു ജപമാല, നൊവേന, കുർബാനയ്ക്ക് ഫാ.ജോസഫ് മാധവത്ത് കാർമികത്വം വഹിക്കും. തിരുനാൾ ദിനമായ 8ന് രാവിലെ 6.45ന് കുർബാന, തുടർന്ന വീടുകളിലേക്ക് അമ്പെഴുന്നള്ളിപ്പ്, വൈകിട്ട് 3.30നു കുർബാന. ചൂരപ്പടവ് ഹോളി ക്രോസ് പള്ളി വികാരി ഫാ.ജോസഫ് ആനക്കലിൽ മുഖ്യകാർമികത്വം വഹിക്കും. 6 ന് അലങ്കരിച്ച രഥത്തോടുകൂടിയ ആഘോഷമായ തിരുനാൾ പ്രദക്ഷിണം നടക്കും. രാത്രി ഒമ്പതിന് ബാൻഡ് മേളവും ശിങ്കാരിമേളവും അരങ്ങേറും.
9ന് വൈകിട്ട് 6ന് പരേതർക്കായുള്ള കുർബാനയോടെ തിരുനാള് ആഘോഷങ്ങള് സമാപിക്കുമെന്ന് വികാരി ഫാ.ഷിബു ജോസഫ്, ട്രസ്റ്റിമാരായ ബിനു ജോസ്, പി.എഫ്.ജോസഫ്, പി.പി.ജോസ്, മിന്റോ മാത്യു, ജോയിന്റ് കൺവീനർ ടി.എ.തോമസ് എന്നിവർ അറിയിച്ചു.
SUMMARY: T. Dasarahalli St. Joseph’s and St. Claret Church Festival begins today
