കൊച്ചി: ശബരിമല സ്വർണക്കൊള്ള കേസിൽ അറസ്റ്റിലായ കെ.എസ്. ബൈജു, പങ്കജ് ഭണ്ഡാരി, ഗോവർധൻ എന്നീ മൂന്ന് പ്രതികളുടെ റിമാൻഡ് കാലാവധി കോടതി 14 ദിവസത്തേക്ക് കൂടി നീട്ടി. കൊല്ലം വിജിലന്‍സ് കോടതിയുടേതാണ് ഉത്തരവ്.
ഇതിനിടെ, കേസിലെ പ്രധാന പ്രതികളിലൊരാളായ തിരുവാഭരണം മുൻ കമ്മീഷണര്‍ കെ.എസ്. ബൈജു സ്വാഭാവിക ജാമ്യം തേടി നാളെ കോടതിയിൽ ഹർജി സമർപ്പിക്കും. ദ്വാരപാലക ശിൽപം മോഷ്ടിച്ചതുമായി ബന്ധപ്പെട്ട കേസിലാണ് ജാമ്യത്തിനായുള്ള ഈ നീക്കം. കട്ടിളപ്പാളി മോഷണക്കേസിൽ നേരത്തെ ഇദ്ദേഹത്തിന് ജാമ്യം ലഭിച്ചിരുന്നു. കേസിൽ അന്വേഷണം പുരോഗമിക്കുന്ന പശ്ചാത്തലത്തിലാണ് റിമാൻഡ് നീട്ടിയത്.
SUMMARY: Sabarimala gold theft case: Remand of 3 accused extended
